Мерата (Баница)

Мерата — археолошко наоѓалиште во селото Баница, Општина Струмица. Претставува термален објект од доцноантичкото време. Во 1990 година, при копањето на темели за подигање на приватна куќа, во самото село, во местото наречено Мерата биле откриени остатоци од темели на ѕидови. Веднаш потоа Заводот и музеј во Струмица извршил заштитно ископување.

„Мерата“
Местоположба	41°26′43″N 22°36′29″E
Основни податоци
Место	Баница
Општина	Струмица
Тип	терма
Период	доцноантичко време
Портал „Археологија“

На длабочина од 0,50 м се пронајдени темели од ѕидови што се протегале во југоисточен и северозападен правец, односно станувало збор за поголем објект од термален карактер, кој според начинот на градењето и внатрешната организација отстапува од вообичаените доцноантички бањи. Термалниот простор го сочинуваат четири простории. Тепидариумот има основа впишан крст во квадрат, со делови од хипокауст од кој се зачувани столпчиња од неправилни квадратни суспензури, како и делови од префурниум.

Комуникацијата меѓу просториите не била утврдена, а исто така и главниот влез кој би требало да се наоѓа на источната страна. Присутни се и секундарни преградувања со ѕидови од камен и кал^[1].

Поврзано

• Црква Свети Ѓорги — средновековна црква и некропола;
• Струмин гроб;
• Баница, археолошко наоѓалиште;
• Список на археолошки наоѓалишта во Струмичко;