Мерзебург
From Wikipedia, the free encyclopedia
Remove ads
Мерзебург (германски: Merseburg) — град во јужниот дел на германската покраина Саксонија-Анхалт на реката Зале, околу 14 километри јужно од Хале (Зале). Главен град е на округот Зале. Била бискупија основана од надбискупот Адалберт од Магдебург. Универзитетот Мерзебург се наоѓа во градот.
Remove ads
Историја
Мерзебург бил првпат споменат во 850. Кралот Хенри I Птичар изградил кралска палата во Мерзебург; во 933 Битка кај Риаде, тој однел голема победа над Унгарците во близина.
Титмар од Мерзебург станал првиот бискуп на новосоздадената бискупија Прага во Бохемија, назначен во 973. Прага бил дел од надбискупија Мајнц 100 години претходно. Од 968 до протестантската реформација, Мерзебург бил седиште на бискупот од Мерзебург и покрај тоа што за време на резиденцијата на грофовите од Мајсен, била омилено место за престој на германските кралеви во текот на 10., 11. и 12. век. Петнаесет парламенти биле одржани тука во текот на средниот век, кога нејзините саеми уживале важност, која подоцна се префрлила на оние од Лајпциг. Градот неколкупати настрадал во текот на Германската селанска војна и во Триесетгодишната војна.
Од 1657 до 1738 Мерзебург бил резиденција на војводите од Саксо-Мерзебург, потоа паднал под Електорат Саксонија. Во 1815 по Наполеоновите војни, градот станал дел од пруската Провинција Саксонија.
Мерзебург е местото каде се откриени мерзебуршките баења во 1841. Пишувани на старогорногермански јазик, тие се дотогаш единствениот зачуван германски документ со паганска тема. Еден од нив е за ослободување на војници фатени во битка, а другиот е за лекување на коњска нога.
На почетокот на 20. век, Мерзебург бил претворен во индустриски град, што во голема мерка се должи на пионерската работа од луѓето како што се Карл Бош и Фридрих Бергиус, кои утврдиле научни основи за катализирање синтеза од амонијак од 1909 до 1913. Претпријатијата, исто така се придвижиле кон процесот на трансформација. На крајот на краиштата, се појави хемиски парк во блиската Лојна, кој е еден од најмодерните места од овој вид во Европа со високи еколошки стандарди.
Мерзебург бил тешко оштетен во Втората светска војна. Во 23 воздушни напади, 6.200 станови биле целосно или делумно уништени.[2] Историскиот центар бил скоро целосно уништен.
Кратко по војната дел од Саксонија-Анхалт, била администрирана во рамките на Bezirk Хале во Источна Германија. Станал дел од Саксонија-Анхалт повторно во текот на реобединувањето на Германија.
Remove ads
Главни знаменитости
Меѓу најпознатите градби во Мерзебург се мерзебуршката катедрала Свети Јован Крстител (изградена во 1015, обновена во 13 и 16 век) и епископски дворец (15 век).
Целосното здание на катедралата и дворецот со извонредната дворска градина (Schlossgarten), Куќата на трговија во Мерзебург со културната сцена и германскиот хемиски музеј во Мерзебург ги зачувале спомените на историјата од Мерзебург. Дворскиот фестивал Мерзебург со историскиот дел, меѓународниот ден за концерти, оргулски денови Мерзебург и куклената фестивалска недела се прославуваат секоја година.
Remove ads
Познати жители
- Титмар од Мерзебург, бискуп и хроничар
- Тили од Трота, бискуп, познат низ локалната легенда за гавранот
- Јоханес Кнолајзен, каноник
- Ернст Хекел, биолог
- Луцијан Милер, класичен учител
- Клаус Тенштет, диригент
- Елизабет Шуман, пејачка
- Карл Адолф фон Базедов, физичар
- Јавед Карим, соосновач на YouTube
Меѓународни односи
Мерзебург е збратимен со:
Наводи
Надворешни врски
Wikiwand - on
Seamless Wikipedia browsing. On steroids.
Remove ads