Милисав Костадинов

Милисав Столев Костадинов ( 1919 во Скопје — 13 ноември 1944 во Скопје) — македонски партизан, борец за слобода на Македонија и учесник во НОВ.^[1]

Животопис

Завршил основно училиште во родниот град. Произлегува од работничко семејство. Работел како трговски помошник. Уште во 1942 година стапил во народно-ослободително движење и како напреден младинец учествувал во разни акции: собирање на материјална помош, растурање летоци, како и во прифаќањето на нови симпатизери за НОВ. На 11 септември 1944 година заминал во партизани и станал борец на Четвртиот скопски партизански одред. Подоцна се приклучил во Дванаесеттата македонска ударна бригада, во вториот баталјон. Активно учествувал во сите борби против Германците и балистите. На 13 ноември учествувал во уличните борби за ослободување на Скопје. При еден јуриш на едно германско упориште, тој бил застрелан и загинал на самото место. Бил закопан на скопските гробишта.^[1]