Министерство за јавна администрација на Македонија

Министерството за јавна администрација или скратено МЈА, министерство во Владата на Македонија. Актуелен министер за Јавна Администрација е Горан Минчев.

Министерство за јавна администрација
Податоци за органот
Надлежност	Влада на Македонија
Седиште	Скопје, Македонија
Вработени	402[1] (2024)
Годишен буџет	2.128 милијарди MKD[2] (2024)
Надлежен министер	Горан Минчев

Надлежности

Надлежностите на министерството се^[3]:

-создавањето и водењето на регистар на информациските и комуникациските системи и информатичката опрема во рамките на органите на државната управа;

-интегрираната информатичка и комуникациска мрежа, базите на податоци, меѓусебното поврзување и размена на информациите, безбедносните аспекти и развојот на инфраструктурата на државните органи, правните и другите лица на кои со закон им е доверено да вршат јавни овластувања;

-следењето на состојбите со информациските и телекомуникациските технологии и воведување на меѓународни стандарди;

-телекомуникациите и телекомуникациската инфраструктура;

-радиодифузијата и радиодифузната инфраструктура;

-законското уредување на прашањата во врска со администрацијата;

-надзорот и обезбедувањето на единствена примена на прописите што се однесуваат на државните и јавните службеници;

-развивањето на политиката поврзана со правата, обврските, одговорностите и оценувањето на државните и јавните службеници;

-класификацијата и описот на работните места, платите и надоместоците на плати на државните и јавните службеници;

-водењето Регистар за државните и јавните службеници;

-подготвувањето стратешки документи за ефикасното и делотворното работење, обуката и стручното усовршување на државните и јавните службеници, организирање и спроведување на обуката;

-развојот и координацијата на политиките во врска со управувањето со човечките ресурси;

-реформата во јавната администрација;

-остварувањето на меѓународна соработка по прашања од негова надлежност и

-врши и други работи утврдени со закон.