Мисионер

Мисионер — член на верска група испратен во странска земја или заедница за да прозелитира (шири своја религија) и да ги сподели своите верувања. Мисионерите често работат за да ги проповедаат учењата на нивната вера, да обезбедат образование и писменост, и да помогнат во општествените прашања како што се здравствената заштита и сиромаштијата.^[1][2]

Англискиот мисионер Џон Вилијамс, активен во јужните делови на Тихиот Океан.

Зборот „мисија“ потекнува од 1598 г., кога исусовците испратени во странство го извеле од латинското missionem (што значи „чин на испраќање“).^[3] Изразот најчесто се користи за христијански мисии, но може да се користи за секоја вера или идеологија.^[4]

По вера

Христијански мисии

Христијански мисионер е некој што ја споделува својата вера во различни култури.^[5] Лозанскиот конгрес од 1974 г. ја опишал целта на еден мисионер како создавање нови месни цркви што можат да растат и да напредуваат.

Мисионерите работат во многу земји низ светот. Во Библијата, Исус им вели на своите ученици (апостолите) да ги шират неговите учења на сите (Матеј 28:19–20, Марко 16:15–18). Ова напатствие е познато како Големата задача и е клучно вдахновение за мисионерската работа.