Моштица

Моштица — село во Општина Македонска Каменица, во областа Осоговија, во околината на градот Македонска Каменица.

Моштица
Панорама на Моштица
Моштица Местоположба на Моштица во Македонија Моштица на карта
Координати 42°03′30″N 22°34′30″E
Регион	Источен
Општина	Македонска Каменица
Област	Осоговија
Население	497 жит. (поп. 2021)[1]
Пошт. бр.	2304
Повик. бр.	033
Шифра на КО	09017
Надм. вис.	750-1.050 м
Моштица на општинската карта Атарот на Моштица во рамките на општината
Моштица на Ризницата

Географија и местоположба

Моштица се наоѓа во областа Осоговија, во северниот дел на Општина Македонска Каменица. Селото е планинско и од разбиен тип, а неговите маала се издигаат на надморска височина од 750-1.050 м. Селскиот атар зафаќа површина од 24,6 км².^[2]

Маалата во селото се познати како: Павлиш Дол, Селиште, Влајковска Маала, Перчаучка Маала и Даловска Маала.

Историја

Само 1 жител на оваа населба е заведен како жртва во Втората светска војна.^[3]

Стопанство

Селото има мешовита земјоделска функција. Во рамките на неговиот атар, шумите преовладуваат на површина од 1.278 ха, на обработливото земјиште отпаѓаат 570 ха, а на пасиштата 446 ха.^[2]

Население

Население во минатото

Година Нас. ±% 1948 538 —     1953 588 +9.3% 1961 512 −12.9% 1971 649 +26.8% 1981 642 −1.1%	Година Нас. ±% 1991 549 −14.5% 1994 606 +10.4% 2002 543 −10.4% 2021 497 −8.5%

Според статистиката на Васил К’нчов („Македонија, Етнографија и статистика“) од 1900 година, во Моштица живееле 420 жители, сите Македонци.^[4] По податоци на егзархискиот секретар Димитар Мишев, („La Macédoine et sa Population Chrétienne“) во 1905 година во Моштица имало 360 Македонци под врховенството на Бугарската егзархија.^[5]

Според германска карта издадена во 1941 година, а заснована на пописот на Кралството Југославија од 1931 година, селото имало 400 Македонци.^[6]

Според пописот од 2002 година, во селото Моштица живеат 543 жители, сите Македонци.^[7]

Според последниот попис од 2021 година, во селото живееле 497 жители, од кои 457 Македонци и 40 лица без податоци.^[8]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	420	360	538	588	512	649	642	549	606	543	497

Извор за 1900 г.: Македонија. Етнографија и статистика.^[9]; за 1905 г.: La Macédoine et sa Population Chrétienne.^[10]; за 1948-2002 г.: Државен завод за статистика на РМ.^[11]; за 2021 г.: Државен завод за статистика на РМ.^[12]

Општествени установи

Во селото работи подрачното основно училиште „Кирил и Методиј“, каде што се изведува настава до петто одделение. Освен тоа, во селото има и услужни објекти.^[2]

Самоуправа и политика

Селото влегува во рамките на Општина Македонска Каменица од 1996 година.

Во периодот 1955-1996, селото било дел од Општина Делчево.

Во периодот 1952-1955, селото било дел од Општина Каменица.

Во периодот 1950-1952, селото било дел од Општина Косевица.

Во XIX век, селото било дел од Малешевската каза на Отоманското Царство.

Избирачко место

Во селото постои избирачкото место бр. 614 според Државната изборна комисија, сместено во просториите на месната заедница.^[13]

На парламентарните избори во 2020 година, на ова избирачко место биле запишани вкупно 470 гласачи.^[14]

Културни и природни знаменитости

Коритото на Селска Река

Археолошки наоѓалишта^[15]

• Градиште — градиште од доцноантичко време;
• Грамадје — населба, црква и некропола од доцноантичко време и среден век;
• Кладенци — населба од доцноантичко време;
• Павлин Дол — населба од доцноантичко време;
• Полицеј — населба од доцноантичко време;
• Равниште — тумул од железно време;
• Станков Дол — тумули од железно време.

Реки

• Селска Река;
• Влаина Река;
• Моштичка Река.

Галерија

• 
  Панорама на селото

• 
  Куќи во селото
• 
  Патот низ селото
• 
  Основното училиште
• 
  Селските гробишта