Нарцизам

Нарцизмот е добивањето на задоволство од суетата или егоистичниот восхит на сопствените атрибути. Терминот потекнува од старогрчката митологија, според која младиот Нарцис се вљубил во неговиот сопствен лик кој го видел во изворот.

Нарцис

Видови нарцизам

Агресивен нарцизам

Особини на овој вид нарцизам се:

• Површен шарм
• Грандиозно чувство на самопочит
• Патолошко лажење
• Зајадливост/Манипулативност
• Недостаток на каење или вина
• Грубост/Недостаток на емпатија
• Неуспех да се прифати одговорност за сопствените постапки

Колективен или групен нарцизам

Колективниот нарцизам (или групен нарцизам) е вид на нарцизам кога поединецот има надуено самољубие кон неговата или нејзината сопствена група.^[1] Колективниот нарцизам е поврзан и со етноцентризмот; сепак, етноцентризмот се фокусира првенствено на егоцентричноста на етнички или културен план, а колективниот нарцизам е поширок поим кој се однесува на било кој тип на група а не само на културни и етнички групи.^[1][2]

Културен нарцизам

Во Културата на Нарцизмот, Кристофер Лаш ја дефинира нарцисоидната култура како култура каде што секоја активност и секој однос се дефинирани од хедонистичката потреба да се здобијат симболи на богатство,^[3] и ова станува израз на цврста, но прикриена, општествена хиерархија. Тоа е култура во која либерализмот постои само доколку тој му служи на потрошувачкото општество, па дури и уметноста, сексот и религијата ја губат својата ослободувачка енергија.

Сексуален нарцизам

Сексуалниот нарцизам е опишан како егоцентричен модел на сексуално однесување кое вклучува надуено чувство на сексуална способност и сексуални овластувања. Сексуалниот нарцизам е дисфункција на интимноста при која се извршуваат сексуални злоупотреби, обично во форма на вонбрачни афери поради неможноста да се доживее вистинска интимност.^[4] Ова однесување е почесто кај мажите отколку кај жените и е поврзано со семејното насилство и сексуалната принуда.^[5][6]

Поврзано

• Гордост
• Данинг-Кругеров ефект
• Фемицид

Нарцизмот како мотив во популарната култура

• „Нарцис“ (англиски: Narcissist) — песна на британската рок-група Либертајнс (The Libertines) од 2004 година.^[7]