Ново Село (Седес)

Ново Село или Ени Ќој (грчки: Αγία Παρασκευή, Агија Параскеви) — село во Солунско, Егејска Македонија, денес во општината Седес на Солунскиот округ во областа Централна Македонија, Грција. Населението брои 2.152 жители (2021).

Ново Село Αγία Παρασκευή
Ново Село
Местоположба во областа Ново Село Местоположба на Ново Село во Солунскиот округ и областа Централна Македонија
Координати: 40°28.53′N 23°2.55′E
Земја	Грција
Област	Централна Македонија
Округ	Солунски
Општина	Седес
Општ. единица	Царево Село
Надм. вис.	&1000000000000009500000095 м
Население (2021)[1]
• Вкупно	2.152
Час. појас	EET (UTC+2)
• Лето (ЛСВ)	EEST (UTC+3)

Географија

Селото се наоѓа во северозападниот дел на Халкидичкиот Полуостров, на околу 20 км јужно од Солун.

Историја

Во Отоманското Царство

На крајот од XIX век Ново Село било село во Солунската каза. Во „Етнографија на вилаетите Адријанопол, Монастир и Салоника“ се вели дека во 1873 г. Ново Село (Novo-Selo) имало 36 домаќинства сочинети од 164 жители Македонци.^[2][3]

Според Васил К’нчов („Македонија. Етнографија и статистика“) во 1900 г. Ени Ќој живееле 121 Македонци.^[2][4]

По податоци на егзархискиот секретар Димитар Мишев („La Macédoine et sa Population Chrétienne“) во 1905 г. во Јени-Ќој (Yeni-Keuy) имало 105 жители Грци и во селото имало грчко основно училиште со двајца учители и 45 ученици.^[5]

Во Грција

По Балканските војни во 1913 г. Ново Село е припоено кон Грција согласно Букурешкиот договор. Таа година населението броело 120 жители, кои во 1920 г. нараснале на 180 лица.^[6] Во 1920-тите тука биле сместени грчки доселеници. Во 1928 г. Ново Село е претставено како дојденско село со 134 семејства сочинети од 537 лица.^[7] Според Тодор Симовски таа година во Ново Село имало 943 жители, од кои 138 биле грчки доселенички семејства, а останатите биле староседелци. Од дојденците, 77 семејства биле од Источна Тракија, 48 од Мала Азија, 12 од Понд и 1 од Бугарија.^[6]

Месности во Ново Село преименувани со службен указ на 21 октомври 1969 г.

Име	Грчки	Ново име	Грчки	Опис
Халепли[8]	Χαλεπλή	Дендрулия	Δεντρούλια[9]	месност на Ј од Ново Село[8]
Карши Маале[8]	Καρσί Μαχαλέ	Халасомена	Χαλασμένα[9]	поранешна населба на ЈИ од Ново Село[8]
Чардаци[8]	Τσαρδάκια	Варика	Βαρικά[9]	месност на СИ од Ново Село[8]
Текне Трла[8]	Τεκνέ Ταρλά	Амбелия	Άμπέλια[9]	месност на СЗ од Ново Село[8]

Стопанство

Населението се занимава претежно со земјоделство, а делумно и со сточарство.^[6]

Население

Преглед на населението во сите пописни години, од 1940 г. до денес:

Година	1940	1951	1961	1971	1981	1991	2001	2011	2021
Население	805	841	810	655	627	711	1.226	2.244	2.152

Извор за 1940-1991 г.: Т. Симовски, Населените места во Егејска Македонија