Ногоплоди

Ногоплоди (науч. Podocarpaceae) — големо семејство на претежно иглолисни растенија, претежно од јужната полутопка. Семејството се состои од 156 видови зимзелени дрва и грмушки.^[1] Овие се поделени во 19 рода, ако го броиме родот Phyllocladus, и ако ги прифатиме родовите Manoao и Sundacarpus.

Ногоплоди
Крупнолисен ногоплод - лисје и шишарки
Научна класификација
Царство:	Растенија
Оддел:	Иглолисни
Класа:	Четинари
Ред:	Боровидни
Семејство:	Ногоплоди Endl.
Родови
Acmopyle Afrocarpus Dacrycarpus Dacrydium Falcatifolium Halocarpus Lagarostrobos Lepidothamnus Manoao Microcachrys Microstrobos Nageia Parasitaxus Phyllocladus Podocarpus (ногоплод) Prumnopitys Retrophyllum Saxegothaea Sundacarpus

Ова семејство е класичен пример за антарктичка флора, со главни центри на разновидност во Австралазија, особено застапени во Нова Каледонија, Тасманија и Нов Зеланд, и малку помалку застапени во Малезија и Јужна Америка (главно на Андите). Неколку родови виреат северно од екваторот во Индокина и на Филипините. Родот ногоплод (Podocarpus) е распространет на север дури до Јапонија и јужна Кина и Азија, Мексико и Америка. Родот Nageia вирее до јужна Кина и јужна Индија. Два рода се застапени и во потсахарска Африка - широкораспространетите ногоплодови и ендемскиот африкански ногоплод (Afrocarpus).

Parasitaxus usta е единственото паразитско голосемено растение. Вирее во Нова Каледонија, каде е паразит на друг ногоплоден вид, Falcatifolium taxoides.^[2]