Нордиска група

Нордиска група — голема група на повратни неправилни месечини на Сатурн. Нивните големи поуоски се движат од 12 до 24 Гм, наклоните им изнесуваат од 136° до 175°, а занесеноста им е од 0,13 до 0,77. За разлика од Инуитската и Галската група, орбиталните параметри се широко распределени и групата веројатно е сочинета од разни подгрупи со поеднообразни орбитални и физички параметри. На пример, се смета дека само оние со наклон околу 174 степени се од две подгрупи. Други осум ја образуваат Скадиевата подгрупа. Нивните големи полуоски се движат од 15 до 20 Гм, а наклоните им се помеѓу 147° и 158°. Нарви образува одделна подргупа со Бестла. Меѓународниот астрономски сојуз користи имиња од нордиската митологија (претежно џинови) за месечините од оваа група. Исклучок е Феба (старогрчка митологија), која е најголема и откриена долго пред останатите.

Неправилните месечини на Сатурн. Прикажана е Нордиската група во однос на останатите. Занесеноста на орбитите е претставена со жолти отсечки (од перицентарот до апоцентарот), а наклонот е прикажан долж Y-оската.

Во октомври 2019 г. е објавено дека се откриени 17 нови месечини во групата. Тие се дел од поголемото откритие на 20 месечини на Скот Шепард со телескопот „Субару“ на Мауна Кеја, сите со пречник од околу 5 км. Една од нив е најдалечната месечина на Сатурн. Сите седумнаесет исто така ќе добијат имиња од нордиската митологија.^[1]

Членови

Ова се членовите на групата, подредени по близина до Сатурн:

Феба Скади (Скадиева подгрупа) S/2004 S 37 S/2007 S 2 Скол (Скадиева подгрупа) Хирокин (Скадиева подгрупа) Грејп Мундилфари S/2004 S 13 S/2006 S 1 (Скадиева подгрупа) S/2007 S 3 Сутунг Сатурн LIV Јарнсакса Нарви (Нарвиева подгрупа) Бергелмир (Скадиева подгрупа) Хати S/2004 S 17 (?) S/2004 S 12 (?) S/2004 S 27 Фарбаути (Скадиева подгрупа) Трим Бестла (Нарвиева подгрупа)

S/2004 S 7 (?) Егир S/2004 S 30 S/2004 S 22 S/2004 S 25 S/2004 S 32 S/2004 S 23 S/2006 S 3 (Скадиева подгрупа) S/2004 S 35 Кари (Скадиева подгрупа) S/2004 S 28 Логи S/2004 S 38 Фенрир Имир Сурт S/2004 S 33 S/2004 S 21 S/2004 S 39 S/2004 S 36 Форнјот S/2004 S 34 S/2004 S 26

(?) — месечината не е повторно забележана откако е откриена, па затоа се смета за изгубена.