ОУ „Тоде Хаџи Тефов“ - Кавадарци

Основно училиште „Тоде Хаџи Тефов“ (официјално: Основно општинско училиште „Тоде Хаџи Тефов“ - Кавадарци; скратено: ООУ „Тоде Хаџи Тефов“) — централно основно училиште во градот Кавадарци, Општина Кавадарци.^[1]

Тоде Хаџи Тефов
Поглед на основното училиште Поглед на основното училиште
Место
Општина:	Општина Кавадарци
Наречено по:	Тоде Хаџи Тефов
Нас. место:	Кавадарци
Адреса:	ул. „Пионерска“, бр. 24
Местоположба
Основни информации
Основано:	1962; пред 63 години (1962)
Директор:	Марија Трајкова
Настава на:	македонски
Контактни информации
Мреж. место	todehtefov.edu.mk
Е-пошта	[e-mail]
Телефон	043/413-106
Факс	043/413-106

Училиштето е именувано по македонскиот партизан и учител Тоде Хаџи Тефов.

Историја

Училиштето работи од далечната 1962 година и спаѓа во поразвиените училишта со опфат на најголем број на ученици во општината.

На почетокот во учебната 1962/63 година училиштето работи со вкупно 25 паралелки (12 во одделенска и 13 во предметна настава) со вкупно 939 ученика, а наставата ја реализираат 30 наставници, а како прв директор во училиштето е Стојче Ристевски.

Од година во година бројот на паралелките и учениците се зголемува, така што пред неколку години изнесуваше над 1.200 ученици, но последниве неколку години поради намалениот наталитет истиот е во опаѓање. И покрај тоа во училиштето денес се опфатени 784 ученика во основното училиште и 36 ученика во подрачното, т.е. вкупно 820 ученика и е училиште со најголем број на ученици во општината.