Овчарство

Овчарство — втора по значење сточарска гранка по говедарството која подразбира чување, одгледување и искористување на овци. Најповолни услови за развој на овчарството има во умерените и во суптропските предели, како и на високите планини на кои има свежа трева во текот на целиот летен период. Денес, со одбирање и со вкрстување се одгледуваат повеќе видови овци, кои даваат поголеми количества млеко, месо, волна и кожа. Традиционално прибирањето на овци и добивањето на производите се одвива во бачило.

Стадо овци на Шар Планина

Стриг (стрижење) на овци во селото Бонче, Прилепско

Овчар кај с. Тајмиште, Западна Македонија

Овци во Патагонија, Аргентина

Во Македонија во 2013 година имало 731 828 овци.^[1]

Овчарите како тема во уметноста и во популарната култура

Овчарството како тема во народното творештво

• „Мрзливиот овчар“ - македонска народна приказна.^[2]
• „Овчарот и владиката“ — македонска народна приказна.^[3]
• „Стадо силно стадо“ — македонска народна песна.^[4]
• „Ох, планини, што сте огрделе“ — македонска народна песна.^[5]
• „Ор Стојане стар чобане“ — македонска народна песна.^[6]
• „Овчар ми свирит над село“ — македонска народна песна.^[7]
• „Овци паса“ — македонска народна песна.^[8]
• „Овчар по брег оди“ — македонска народна песна.^[9]
• „Седнал ми овчар безгрижно“ — македонска народна песна.^[10]
• „Ој овчаре, млад чобане“ — македонска народна песна.^[11]
• „За овчарот кој го разбирал јазикот на животните“ — полска народна приказна.^[12]
• „Кралот Матија и овчарот кој ја зборува вистината“ — унгарска народна приказна.^[13]
• „Ѕвездоокиот овчар“ - унгарска народна приказна.^[14]
• „Изедениот овчар“ (српски: Изједен овчар) - српска народна песна.^[15]
• „Мојсеј и пастирот“ - суфиска приказна.^[16]
• „Кралот и овчарот“ (српски: Краљ и чобанин) - српска народна приказна.^[17][18]

Овчарството како мотив во книжевноста

• „Волкот и овчарите“ - басна на американскиот писател Емброуз Бирс.^[19]
• „Иберискиот овчар“ – роман на Бернардо де ла Вега од 1591 година.^[20]
• „Нимфите и овчарите од Енарес“ – роман на Бернардо Гонсалес де Бобадилја од 1587 година.^[21]
• „Овчарот Фидо“ – книга на италијанскиот писател Џовани Батиста Гварини од 1590 година..^[22]
• „Ноќната песна на еден овчар-скитник во Азија“ (Canto notturno di un pastore errante dell' Asia) - песна на италијанскиот поет Џакомо Леопарди од 1829-1830 година.^[23]
• „Овчарот од Филида“ – книга на Луис Галвес де Монталво.^[22]
• „На дедо Димовото бачило“ — расказ на македонскиот писател Ванчо Николески.^[24]
• „Чудотворен кавал“ — расказ на Ванчо Николески.^[25]
• „Овчарчето Тасе“ — расказ на Ванчо Николески.^[26]
• „Овчарче“ - песна на германскиот поет Хајнрих Хајне.^[27]

Овчарството во филмот

• „Овчар“ — југословенски филм од 1971 година, во режија на Бакир Тановиќ.^[28]

Поврзано

• Козарство
• Говедарство
• Сточарство
• Живинарство