Офицер

Офицер е член на воените сили или на друга униформирана служба (на пример, полиција) кој има наредбодавна положба.

Офицери на британската армија се подготвуваат за воена мисија во Авганистан

Застапеност

Офицер на индонезиската војска на свечена парада

Процентуалното учество на офицерите во воените сили е различно од земја до земја. На пример, во 2013 година, офицерите учествувале со 17% во британските воени сили^[1] и 13,7% во француската армија.^[2] Во 2012 година, 18% од германските воени сили биле офицери^[3] и 17,2% од воените сили на САД.^[4]

Меѓутоа, во минатото, офицерите биле значително помалубројни. Така, за време на Првата светска војна, помалку од 5% од британските воени сили биле офицери. На почетокот на XX век, само шпанската армија имала големо учество на офицерите од 12,5%.

Офицерски чинови

Офицерите како тема во уметноста и во популарната култура

Офицерите како тема во книжевноста

• „Генерал“ — расказ на јапонскиот писател Рјуносуке Акутагава од 1922 година.^[5]
• „Во сеќавање на мајорот Роберт Грегори“ (англиски: In Memory of Major Robert Gregory) — песна на ирскиот поет Вилијам Батлер Јејтс.^[6]
• „Адмирал“ — песна на македонскиот писател Славко Јаневски.^[7]
• „Генералот на мртвата војска“ — роман на албанскиот писател Исмаил Кадаре.
• „Генерал во библиотеката“ (италијански: Un generale in biblioteca) - расказ на италијанскиот писател Итало Калвино.^[8]
• „На полковникот нема кој да му пишува“ — новела на колумбискиот писател Габриел Гарсија Маркес од 1961 година.^[9]
• „Поручникот Смит“ — поема на рускиот поет Борис Пастернак од 1926 година.^[10]

Офицерите како тема во филмот

• „Офицер и џентлмен“ — американски филм од 1982 година, во режија на Тејлор Хекфорд.^[11]
• „Полковникот Редл“ — филм на режисерот Иштван Сабо (István Szabó) од 1985 година.^[12]
• „Офицерот со роза“ — југословенски филм од 1987 година, во режија на Дејан Шорак.^[13]

Офицерите како тема во музиката

• „Храбриот капетан“ (англиски: Brave Captain) — песна на американската рок-група fIREHOSE од 1986 година.^[14]