Пеликановидни

Веслоножни или пеликановидни (науч. Pelecaniformes) — ред птици. Тоа се птици кои живеат на вода и се хранат со риби. Сите четири прста им се споени со кожичка за пливање и затоа се одлични пливачи. Дел од семејствата, како кормораните, на пример, се и одлични летачи.

Пеликановидни Период: доцна креда–денес,
Pelecanus occidentalis
Научна класификација
Царство:	Животни
Колено:	Хордати
Класа:	Птици
Инфракласа:	Нововилични
Ред:	Веслоножни Sharpe, 1891
Семејство
традиционално: Anhingidae Fregatidae Pelecanidae Phalacrocoracidae Sulidae

Особини

Сите видови од овој ред ја ловат својата храна под вода, а тоа се најчесто риби. Семејствата на кормораните и анхингите имаат водонепропусно перје само во долниот слој, под покривното перје, а останатите видови имаат целосно водоотпорно перје. Сите видови имаат мали или затворени носници, што го спречува продирањето на водата во дишните органи. Кормораните и фалимијата блуни (Sulidae) дишат исклучиво преку клунот, бидејќи носниците им се целосно затворени. Една од типичните карактеристи на овој ред е дека сите видови гнездат во колонии. Колониите ги прават на осамени острови или далечни брегови. Повеќето видови прават вистински гнезда кои ги градат двата родитела. Младенчињата, по испилувањето, се целосно немоќни и родителите ги хранат со делумно сварена храна.

Систематизација

Според традиционалната систематизација во редот на веспаѓаат следните семејства:

• Семејство: анхинги (Anhingidae)

• Род: анхинга (Anhinga)

• Семејство: фрегати (Fregatidae)

• Род: фрегата (Fregata)

• Семејство: пеликани (Pelecanidae)

• Род: пеликан (Pelecanus )

• Семејство: тропичарки (Phaethontidae)

• Род: тропичарка (Phaethon)

• Семејство: корморани (Phalacrocoracidae)

• Род: корморан (Phalacrocorax)

• Семејство: глупчовци (Sulidae)

• Род: лакомец (Morus)
• Род: Аботов глупчо (Papasula)
• Род: глупчо Sula

Според новата класификација^[1] (со ДНК-анализи) ибисите и лажичарките, кои беа во редот на штрковидните сега се преместени во редот на пеликановидните:

• Семејство: Treskiornithidae
  • Потсемејство: Threskiornithinae - ибиси

• Род Threskiornis
• Род Thaumatibis
• Род Geronticus
• Род Nipponia
• Род Bostrychia
• Род Theristicus
• Род Cercibis
• Род Mesembrinibis
• Род Phimosus
• Род Eudocimus
• Род Plegadis
• Род Lophotibis

• • Потсеејство: Plateinae - лажичарки

• Род Platalea

Исто така, подредот Sulae, е преиначен во ред Suliformes, со следниве семејства:

• Fregatidae
• Sulidae
• Phalacrocoracidae
• Anhingidae
• Protoplotidae
• Plotopteridae