Пермски јазици

Пермски јазици — подгрупа на уралските јазици. Јазиците се зборуваат во неколку региони во западниот дел на Урал во Русија. Вкупниот број на говорници на овие јазици е околу 950.000 жители, од кои 550.000 жители зборуваат удмуртски. Како и останатите уралски јазици, така и пермските се претежно аглутинативни и имаат богат систем на падежи. Сепак, за разлика од останатите уралски, овие јазици немаат самогласна хармонија.^[1] Најстариот пишан пермски јазик е старопермскиот јазик, чии документи датираат од 14 век.^[1]

Пермски јазици
Народност:	Пермијци
Географска распространетост:	падините на Урал во Русија
Класификација:	уралски пермски јазици
Гранки:	комиски јазик удмуртски јазик
Пермските јазици.

Јазици

Во оваа група на јазици спаѓаат удмуртскиот и комискиот заедно со своите дијалекти, односно:

• комиски јазик
  • коми-пермјачки јазик
  • коми-јазвински јазик
  • коми-зиријански јазик
• удмуртски јазик

Традиционално, јазиците биле класифицирани како фино-пермски јазици, заедно со финскиот, мордвинскиот и марискиот јазик. Сепак оваа класификација во скоро време била оспорена и така класификацијата на пермските јазици во рамките на уралските јазици останува неодредена.^[2]