Петар Грашо

Петар Грашо (р. 19 март 1976 година) е хрватски поп пејач и текстописец. Во текот на својата кариера има издадено три студиски албуми. Во 2011 година работи на албумот Ka hashish (Како хашиш) заедно со Тончи Хуљиќ и Мадре Бадеса Бенд.

Постигнува популарност во сите пост-југословенски држави, односно Хрватска, Србија, Босна и Херцеговина, Црна Гора, Словенија и Северна Македонија . Од 2022 година, тој е во брак со хрватската музичарка Хана Хуљиќ, со која има една ќерка. Добитник е на бројни признанија и награди за неговата музичка работа, вклучително и наградата Златни Студио.

Животот и кариера

Ран живот и фестивали

Роден во Сплит, во семејство на кошаркарот Зоран Грашо, тој почнува да стекнува популарност кога Оливер Драгојевиќ изведува една од неговите први песни „Boginja“ („Божица“) на фестивалот „Дора“, хрватскиот фестивал за избор на песна за Евровизија, во 1995 година. ^[1] Оттогаш има голема соработка со Драгојевиќ, а има работено и со Дорис Драговиќ, Данијела Мартиновиќ, Тончи Хуљиќ, Горан Бреговиќ и Лепа Брена . ^{[1] [2]}

Во 1996 година победува на музичкиот фестивал „Задарфест“ во Задар со песната „Trebam nekoga“ („Некој ми треба“) која му носи голема популарност. ^[1] Тој се пласира на второто место на натпреварот Дора во 1997 година, односно хрватскиот квалификациски натпревар за песна на Евровизија 1997 година. ^[1] Денес, тој е еден од најпопуларните машки поп пејачи во Хрватска, а добро е познат и во Србија, Босна и Херцеговина, Црна Гора, Словенија и Северна Македонија . ^[1]

Грашо заедно со Антонија Шола го пишува текстот на песната „Metak sa postvetom“ („Метак со посвета“) за албумот на Лепа Брена, Zacharani krug (Магичен круг) од 2011 година, а музиката ја компонира сам. ^[2]

Неговите песни „Volim i postojim“ („Сакам и постојам“) (1997) и „Ko nam brani?“ („Кој ни брани“) (1999) се заслужни за помагање на јавноста да се справи со пандемијата на COVID-19 . ^{[3] [4] [5] [6]}

2019-сега: Самостојни синглови и настапи

Кон крајот на 2017 година Петар Грашо ја снима песната „Ako te pitaju“ („Ако те прашаат“) напишана од дуото Хуљиќ. Музичкото видео за песната во продукција на Пилот Студио, а во режија на Војан Коцеиќ е објавено на 11 декември 2017 година. Зборувајќи за клипот, Грашо открива дека сака да создаде слика на топла љубовна приказна и да го долови последниот стих „Triba nam samo da se volit' znamo“ („Ние само треба да знаеме да се сакаме“ ) . ^[7] Песната е многу успешна на хрватската листа за синглови, останувајќи на првото место неколку недели, со што го зацврстува неговиот статус на еден од најпознатите екс-ју пејачи. Песната исто така ја добива наградата за Јавен хит на годината - Цесарица на церемонијата на доделување награди во 2019 година. ^[8]

На 10 ноември 2019 година, Грашо изведува микс од песни заедно со пејачката Нина Бадриќ и Анте Гело Бенд на наградите Златни Студио 2019 година. Мешавината се состоеше од песните „Rekao si“ (“Рече“), „Trebam nekoga“, “ „Čarobno jutro“ („Магично утро“) и „Ako te pitaju“. ^[9]

На 27 декември 2020 година учествува во ток-шоуто 5.com s Danielom на Хрватска радиотелевизија каде ја изведува песната „Trebam nekoga“ заедно со Анте Гело Бенд. ^[10] На 26 јуни 2023 година, Грашо го објавува синглот „Nemoj“ („Немој“) заедно со хрватската пејачка Нина Бадриќ . Спотот за песната, на кој се гледа како дуото глуми романтични партнери, беше премиерно прикажано истиот ден. ^[11] Песната е премиерно претставена преку настап во живо на дуото еден ден претходно на фестивалот Мелодије Јадрана. ^[12] На 30 октомври 2023 година настапува на гитара во ресторан заедно со пејачката Јелена Розга; ги пејат песните „Piši mi“ („Пиши ми“) и „Oprosti mi pape“ („Прости ми тате“). ^[13] На 21 април гостувањето на Грашо во македонското ток шоу Еден на Еден се емитува на Канал 5 . На YouTube е објавен краток тизер 3 дена претходно во кој пејачот накратко разговара за неговата пауза од музиката во периодот помеѓу 2006 и 2011 година ^[14] На 26, 27 и 29 април 2024, Петар Грашо ќе одржи три концерти во Македонската филхармонија.^[15]

Приватен живот

Во февруари 2022 година се жени со Хана Хуљиќ.^[16]

Дискографија

Соло

• Mjesec iznad oblaka (Месечината над облакот) (1997)
• Уторак (Вторник) (1999)
• Šporke riči (Валкани зборови) (2003)

Со Тончи Хуљиќ и Мадре Бадеса Бенд

• Ka hashish (Како хашиш) (2011)