Пијан славеј

Пијан славеј — музички албум на македонската група „Фолтин“, објавен во 2015 година.

Список на песни

Албумот содржи шест песни:^[1]

• Ела си в кревет
• Пијан славеј
• Облаче
• Ми падна газо
• Слободната љубов
• Купидон

Податоци за албумот

Албумот е снимен во НУ Центар за култура - Битола, во јануари 2015 година. Снимател на албумот бил Ален Хаџи-Стефанов, соработник-продуцент бил Mark Purpose, кој направил и едитинг и предмикс, а албумот го миксирал Костадин Камчев во Mozart Studio, во Клифтон, Њу Џерси. Автор на обвивката на албумот е Мирослав Масин, а обвивката е испечатена во Графо Пром, во Битола. Автори на музиката и текстовите на песните се членовите на „Фолтин“, кои биле и продуценти на албумот. На албумот настапуваат следниве музичари:^[2]

• Бранислав Николов - вокал
• Пеце Николовски - кларинет и усна хармоника
• Пеце Трајковски-Брада - дирки
• Гоце Јовановски - бас-гитара
• Славчо Јовев - тапани
• Марјан Станиќ - ударалки
• Васко Атанасовски - алт-саксофон