Бранислав Николов

Бранислав Николов, познат и како Пијан Славеј (1971, Битола) — македонски музичар (член на групата Фолтин) и писател.

Бранислав Николов

Животопис

Бранислав Николов е роден во 1971 година во Битола. Средното образование го завршил во училиштето „Јосип Броз Тито“, а студирал француски јазик и француска книжевност на Филолошкиот факултет „Блаже Конески“ во Скопје.^[1]

Музичка кариера

Бранислав Николов на концерт во Јавна соба, Скопје, 2.3.2024

Николов е автор и пејач во групата Фолтин. Компонирал музика за театар и повеќе филмови, како: „Cash and Marry“ „Исцелител“, „Honeyland“ ^[2] итн. На 14 февруари 2018 година, Николов настапил на концертот „Murder Ballads“ во Скопје, заедно со Македонската филхармонија.^[1]

Книжевно творештво

Покрај со музика, Николов се занимава и со пишување. Објавил четири збирки поезија, "Креветизам и хоризонтала" (2018), "Срчки" (2020), "Полиграф" (2022) и "Јазик за двајца" (2024).^[3] Во 2022 година бил застапен во антологијата на македонскиот краток расказ, „Џинџуџе во земјата на афионите“ со три творби („Al Pacino before and after the john“, „Славејо на доктор“ и „Музика во аптеки (сон)“).^[4]