Пресечки манастир

Пресечки манастир — манастир во источниот дел на Македонија, на планината Осогово, во селото Пресека.^[1]

Пресечки манастир

Поглед на манастирот
Информации
Целосно име	Пресечки манастир
Други имиња	Манастир „Свети Харалампиј“
Манастир на:	МПЦ - ОА
Посветен на	Свети Харалампиј
Епархија	Брегалничка
Цркви	Црква „Св. Харалампиј“
Личности
Место
Место	Пресека, Општина Кочани Македонија
Координати	41°59′11.3″N 22°28′55″E
Видливи остатоци	една црква, параклис, конак, трпезарија, летниковец
Отворен за јавноста	да
Други информации	(Оризарска парохија)

Историја

Манастирот била изграден во текот на 1870-тите години. Во 2011 година, манастирот започнал да се обновува со средства прибрани од приватни претпријатија и верници, а притоа бил реконструиран кровот на манастирската црква, поправен бил конакот, а уредена била и околината.^[2]

Градби

Во склоп на манастирот влегуваат една црква, параклис, конак, трпезарија и летниковец.

Црква „Свети Харалампиј“

Главна статија: Црква „Св. Харалампиј“ - Пресека

Црквата е изгадена во карпа. Таа има правоаголна основа со осумаголна купола и мала апсида на источната страна.

Параклис

Параклисот е сместен над манастирската црква, а од неговата страна има летниковец. Изграден е од бетонски тули и однадвор е варосан. Во неговата внатрешност има чешма, висечка полица со предмети и три слики, од коишто на едната е прикажана Богородица со Исус, на втората е претставена Тајната вечера, а на третата Исус.

Галерија

• 
  Манастирската црква
• 
  Параклисот
• 
  Параклисот (десно) и летниковецот (лево)
• 
  Внатрешноста на параклисот
• 
  Манастирското ѕвоно
• 
  Трпезаријата