Ристо Самарџиев

Ристо Самарџиев (р. 17 август 1964 во Скопје^[1]) — македонски пејач и текстописец^[2].

Ристо Самарџиев
Животописни податоци
Роден(а)	17 август 1964(1964-08-17) (61 г.)
Потекло	Скопје, СР Македонија, СФРЈ
Жанрови	поп
Занимања	пејач, текстописец
Период на активност	1980 – денес
Соработници	Цилиндар Хаос ин Лаос Меморија

Животопис

Ристо Самарџиев ја започнал својата музичка кариера кога имал 16 години. Тој бил еден од основачите на музичката група Цилиндар во 1981 година^[3][4], која била една од првите рок њу-вејв бендови во Македонија. Тој исто така бил фронтмен на групата Хаос ин Лаос^[5]. Во 1987 година бил поканет да настапи на Макфест, најголемиот музички фестивал во земјата. Песната што ја извел, „Чили Вили“ потоа станала хит во Македонија^[6]. По тој настап продолжил да работи самостојно, да се појавува на фестивалите^[7], а потоа станал и вокалист на Меморија.^[8] Тој го има освоено четири пати првото место на Макфест како изведувач^[9], а исто така напишал и песни за други пејачи^[10]. Во 2009 година победил на Охридскиот фестивал во дует со Влатко Илиевски со песната под наслов „За љубов се пее крај“^[11]. Тој, исто така, учествувал повеќепати на македонските национални избори за натпреварот за песна на Евровизија^[12].