Ротор

Ротор е подвижен дел на електромотор, генератор или алтернатор^[1] кој се врти со моментот на сила на неговата оска што произлегува од поставеноста на жиците и магнетното поле. Кај некои мотори, роторот игра улога на арматура, преку кој доаѓа напонот.

Ротор (лево) и статор (десно) на електромотор

Пресек на водна турбина со генератор

Голем дел од енергетската загуба на еден индуктивен мотор се случува токму во роторот, и таа е во голема мера (но не сосема) пропорционална на квадратот од слизнувањето („слизнување“ е разликата помеѓу вртежната брзина на магнетното поле и фактичките вртежи во минута на роторот). Овој проблем се надминува со зголемување на масата на спроводниците на роторот и/или зголемување на нивната спроводливост, а во помала мера и со проширување на вкупното магнетно поле низ празнината помеѓу роторот и статорот.^[2]

Електричната ефикасност на моторот може да се подобри со замена на стандардниот алуминиумски спроводник во роторот со бакарен, кој има многу поголема спроводливост.^[3][4]

Неподвижниот дел од моторот се нарекува статор.

Поврзано

• Арматура (електротехника)
• Електромагнетна индукција
• Статор
• Намотка
• Електромотор
• Комутатор
• Претворач