Самоанци

Самоанците се полинезиски народ кој живее воглавно на Самоанските Острови. Мајчин јазик на Самоанците е самоанскиот јазик, но добар дел од народот е двојазичен бидејќи англискиот е доста застапен на островите. Поради политичко-историски околности, татковината на Самоанците е поделена меѓу независната држава Самоа и американската територија Американска Самоа.

Самоанци
tagata Sāmoa

Самоански танчери
Вкупен број
700.000-800.000
Подрачја со значајно население
Океанија
САД	243.682[1]
Самоа	205.557
Нов Зеланд	182.721[2]
Австралија	98.029[3]
Американска Самоа	47.910
Канада	1.100[4]
Токелау	100[5]
Јазици
самоански, англиски, германски (историски)
Вероисповед
христијанство, народна вера
Сродни народи
други Полинезијци

Во Самоа има околу 188.000 Самоанци според податоците од 2006.^[6] Голем дел од Самоанците живеат надвор од Самоа, воглавно во Нов Зеланд (115.000 во 2001)^[7] и Австралија (39,992 во 2006)^[8]

Јазик

Главна статија: Самоански јазик

Мајчин јазик на Самоанците е самоанскиот јазик. Во светот се проценува дека има околу 370.00о самоански говорници, од кои 69% од нив живеат на Самоанските Острови. Во дијаспората, самоанскиот јазик се зборува во Нов Зеланд каде според пописот од 2006 година биле забележани 95,428 луѓе што зборуваат самоански, а имало 141,103 Самоанци. Така, од сите Самоанци во Нов Зеланд, 70.5 % можат да зборуваат самоански, што го прави јазикот четврт најзборуван во државата веднаш зад англиски, маорски и кинески. 66.4 % од Самоанците живеат во Окленд. Според пописот на Австралија од 2006 година, во државата имало 38,525 говорници на самоански, но имало 39,992 Самоанци.