Свети Кристофер

Свети Кристофер (Saint Christopher) или Свети Китс (Saint Kitts) е остров во Карипското Море. Свети Кристофер е дел од Заветрените Острови, подгрупа на Малите Антили. На запад островот излага на Карипското Море, додека на исток на Атлантскиот Океан. Свети Кристофер, заедно со соседниот остров Невис, ја сочинуваат федерацијата Свети Кристофер и Невис.

За други значења на поимот „Свети Кристофер“, видете ја страницата за појаснување.

Свети Кристофер

Liamuiga, Saint Christopher, Saint Kitts Наречен и: Град на шеќерот
Карта на Свети Кристофер и Невис
Географија
Место	Карипско Море
Координати	17°15′N 62°40′W
Архипелаг	Заветрени Острови
Највисока точка	Лијамуига
Држава
Свети Кристофер и Невис
Најголема населба	Бастер (pop. 15,500)
Демографија
Население	35,000
Густина	208,33 /km2 (53.957 /sq mi)
Етнички групи	Афроамериканци, мулати, Азијци, Британци, Португалци, Либанци[1]

Островот се наоѓа на околу 2100 км југоисточно од Мајами, САД. Островот има вкупна површина од 168 км², долг е околу 29 километри, а широк околу 8 километри. Свети Кристофер има вкупно население од околу 35.000 жители, од кои мнозинство се Афроамериканци. Главен и службен јазик на островот е англискиот, со писменост на население од околу 98%. На Свети Кристофер се наоѓа Националниот парк Хил Фортрес, кој е заштитен од УНЕСКО и претставува најголема тврдина изградена во Источните Кариби.

Административна поделба

Главна статија: Парохии во Свети Кристофер и Невис

Островот, административно, е поделен на 9 парохии:

1. Крајст Чрч Никола Таун
2. Сент Ен Сенди Поинт
3. Сент Џорџ Бастер
4. Сент Џон Капистер
5. Сент Мери Кајон
6. Сент Пол Капистер
7. Сент Питер Бастер
8. Сент Томас Мидл Ајланд
9. Тринити Палмето Поинт

Галерија

• 
  Полуостровот во југоисточниот дел на Св. Кристофер. Невис е на лево.
• 
  Центар на Бастер.
• 
  Центарот на Бастер.
• 
  Брод во пристаништето на Бастер.
• 
  Тврдината Бримстон Хил
• 
  Тврдината Бримстон Хил