Св. Петка (Долно Егри)

Св. Петка — археолошко наоѓалиште во битолското село Долно Егри.

„Св. Петка“
Местоположба	40°58′0″N 21°30′0″E
Основни податоци
Место	Долно Егри
Општина	Битола
Тип	населба
Период	неолитско време
Портал „Археологија“

Претставува населба од неолитско време . И ова наоѓалиште се наоѓа во непосредна близина на Горно Егри, меѓутоа од другата страна на Црна Река. Тој претставува една од најмасивните тумби во Пелагонија врз која е изградено селото именувано од страна на мештаните како [[Долно Егри. Ова село денес е напуштено и покрај разурнатите куќи, сочувана и обновена е само црквата „Св. Петка“, па ова место претежно се користи за религиозни собири. Просторот кој го опфаќаат куќите и црквата е многу помал во однос на целата зафатнина на тумбата, така што и нејзиниот релативно автентичен облик е сочуван. Освен во подножјето, во останатите делови не се изведуваат земјоделски активности, што делувало во сочувувањето на нејзиниот облик. Прашање е дали целиот простор на кој се наоѓаат археолошките слоеви бил создаден вештачки од страна на предисториските популации или пак тој претставува географско возвишување врз кое дополнително се формирани и подигнати населбите во неолитот .

На површината може да се констатира броен археолошки материјал кој може да се датира дури и во раниот неолит. Со оглед на нејзината големина, неопходно е да се изврши потемелно мерење на нејзината површина. Заради масивноста на оваа тумба биле земени две коти како референца за нејзината висина и локација, и тоа една кај црквата, а другата на спротивната страна на наоѓалиштето, односно на највисоката точка во североисточниот дел.^[1].

Поврзано

• Св. Богородица — населба од неолитско време;
• Св. Петка — населба од неолитско време;
• Долно Егри
• Список на археолошки наоѓалишта во Битолско;