Седум Рилски Езера

Седумте Рилски езера (бугарски: Седемте рилски езера, romanized: Sedemte rilski ezera) ― група леднички езера, сместени во северозападниот дел на планината Рила во Бугарија. Тие се најпосетуваната група езера во Бугарија. Езерата се наоѓаат помеѓу 2.100 и 2.500 метри надморска височина.

Карта на Седумте Рилски Езера.

Секое езеро носи име поврзано со неговата најкарактеристична особеност. Највисоката е наречена Солзата (бугарски: Сълзата) поради чистите води што овозможуваат видливост во длабочина. Следното по висина го носи името Окото по неговиот речиси совршен овален облик. Окото е најдлабокото циркско езеро во Бугарија, со длабочина од 37,5 м. Бубрегот (Бабрека) е езерото со најстрмните брегови од целата група. Близнакот (Близнака) е најголемата по површина. Трефолијата (Трилистника) има неправилен облик и ниски брегови. Најплиткото езеро е Рибното Езеро, а најниското е Долното Езеро, каде што водите што течат од другите езера се собираат за да ја створат реката Џерман.

Седумте езера се туристичка знаменитост во Бугарија поради нивната природна средина. Езерата се наоѓаат едно над друго и се поврзани со мали потоци, кои создаваат мали водопади и каскади. Туристичкото сместување во близина на езерата вклучува вила на североисточниот брег на Рибното Езеро, на надморска височина од 2.196 м.^{[се бара извор]} Најчестото време за посета на езерата е летото, во јули и август, кога температурата е над 10 степени Целзиусови, а ризикот од ненадејни бури е помал.^{[се бара извор]} Во текот на остатокот од годината времето може да биде тешко.^{[се бара извор]} Езерата обично замрзнуваат во текот на октомври и не се топат пред јуни. Ледената покривка може да достигне и до 2 метри.

Список

Македонско име	Бугарско име	Висина	Површина	Длабочина	Белешки
Солзата	Сълзата	2,535 м	0.7 хектари	4.5 м	Именуван по неговите бистри води
Окото	Окото	2,440 м	6.8 хектари	37.5 м	Именуван по неговиот овален облик. Најдлабокото циркско езеро во Бугарија
Бубрегот	Бъбрека	2,282 м	8.5 хектари	28 м	Ги има најстрмните брегови од сите езера
Близнакот	Близнака	2,243 м	9.1 хектари	27.5 м	Најголемо по површина
Трефолијата	Трилистника	2,216 м	2.6 хектари	6.5 м	Неправилен облик и ниски брегови
Рибното Езеро	Рибното езеро	2,184 м	3.5 хектари	2.5 м	Најплиткото
Долното Езеро	Долното езеро	2,095 м	5.9 хектари	11 м	Најниското

Галерија

Панорамски поглед на Седумте Рилски езера од планината Езерен.

Панорамски поглед на шесте најниски (и најголеми) езера.

• 
  Поглед на Седумте Рилски Езера
• 
  Долното, Рибното, Трефолијата и Близнакот
• 
  Езерото Бубрегот
• 
  Езерото Солзата
• 
  Езерото Близнакот

Поврзано

• Список на езера
• Списоци на езера