Селник

Селник — село во Општина Делчево, во областа Осоговија, во околината на градот Делчево.

Селник
Куќи во Селник
Селник Местоположба на Селник во Македонија Селник на карта
Координати 42°02′27″N 22°43′50″E
Регион	Источен
Општина	Делчево
Област	Осоговија
Население	0 жит. (поп. 2021)[1]
Пошт. бр.	2320
Повик. бр.	033
Шифра на КО	09022
Надм. вис.	880 м
Селник на општинската карта Атарот на Селник во рамките на општината
Селник на Ризницата

Географија и местоположба

Селник се наоѓа во крајниот северен дел на територијата на Општина Делчево и неговиот атар се граничи со Бугарија. Селото е ридско и е сместено на надморска височина од 880 метри. Селскиот атар зафаќа површина од 11,1 км². Селото е оддалечено 17 км од Делчево.^[2]

Историја

Во почетокот на XX век, Селник било село во Малешевската каза на Отоманското Царство.

Само 1 жител на оваа населба е заведен како жртва во Втората светска војна.^[3]

Стопанство

Селото има мешовита земјоделска функција. Во неговиот атар, шумите зафаќаат површина од 442 ха, на пасишта отпаѓаат 348 ха, а на обработливо земјиште 266 ха.^[2]

Население

Население во минатото

Година Нас. ±% 1948 286 —     1953 335 +17.1% 1961 314 −6.3% 1971 195 −37.9% 1981 131 −32.8%	Година Нас. ±% 1991 72 −45.0% 1994 66 −8.3% 2002 28 −57.6% 2021 0 −100.0%

Според статистиката на Васил К’нчов („Македонија, Етнографија и статистика“) од 1900 година, во Селник живееле 120 жители, сите Македонци.^[4] По податоците на секретарот на Бугарската егзархија Димитар Мишев, („La Macédoine et sa Population Chrétienne“) во 1905 година во селото имало 112 жители Македонци.^[5]

Според германска карта издадена во 1941 година, а заснована на пописот на Кралството Југославија од 1931 година, селото имало 250 Македонци.^[6]

На пописот од 2002 година, селото имало 28 жители, сите Македонци.^[7]

Според последниот попис од 2021 година, во селото немало жители.

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	120	112	286	335	314	195	131	72	66	28	0

Извор за 1900 г.: Македонија. Етнографија и статистика.^[8]; за 1905 г.: La Macédoine et sa Population Chrétienne.^[9]; за 1948-2002 г.: Државен завод за статистика на РМ.^[10]; за 2021 г.: Државен завод за статистика на РМ.^[11]

Родови

Според истражувањата на Бранислав Русиќ во 1953 година, родови во селото:

• Староседелци: Букарето (3 к.), Табаци (6 к.), Кратунци (4 к.), Ташовци (9 к.), Папунци (6 к.), Догазанци (5 к.), Деничини (3 к.), Лесовци (3 к.) и Шуманци (3 к.)
• Доселеници: Терзији (3 к.) доселени се во 1918 година од селото Смоличино кај Ќустендил во Бугарија.^[12]

Самоуправа и политика

Селото влегува во составот на Општина Делчево од 1955 година.

Во периодот 1950-1952, селото било дел од општината Киселица во склоп на Делчевската околија.

Во периодот 1952-1955, селото било дел од општината Драмче во склоп на Малешевската околија.

Избирачко место

Во селото постои избирачко место бр. 0599 според Државната изборна комисија, кое е сместено во трпезаријата во дворот на црквата „Св. Петка“.^[13]

На локалните избори во 2017 година, на ова избирачко место биле запишани вкупно 20 гласачи.^[14]

На претседателските избори во 2019 година, на ова избирачко место биле запишани вкупно 17 гласачи.^[15]

Културни знаменитости

Црквата „Св. Петка“

Археолошки наоѓалишта

• Кадин Чифлик — населба од доцноантичко време^[16]

Цркви

• Црква „Св. Петка“ — главна селска црква

Личности

Родени во Драмче

• Трајан Гоцевски (р. 1950) — македонски економист и политичар