Семоа

Семоа (француски: Semois / Semoy, валонски: Simwès / Smwès, германски: Sesbach, луксембуршки: Setzbaach) — река во Белгија и Франција, северозападна Европа. Тече од подгорскиот крај на Ардените во Белгија и Франција, па се влева во Меза како нејзина десна притока.^[1]

Семоа Semois
Семоа во Бујон
Местоположба
Земја	Белгија, Франција
Физички особености
Извор
• место	Арлон
• координати	49°40.906′N 5°49.218′E
• надм. вис.	410 м
Устие
• место	Монтерме
• координати	49°52′50″N 4°44′18″E
Должина	210 км
Големина на сливот	1.329 км2
Проток
• просечен	35 м3/с
Особености на сливот
Течение	Меза→ Северно Море

Реката извира кај Арлон во белгиската покраина Луксембург, недалеку од границата со кнежевството Луксембург. Тече во западен правец, минува низ селото Боан на Семоа, па влегува во Франција и се влева во Меза околу 10 км низводно од гратчето Монтерме. Целото течение е долго 210 км.

Семоа минува и низ други населени места како Шини, Флоранвил, Ербемон, Бујон (вкл. месностите Доан и Пупеан) и Врес на Семоа — сите во Белгија.

Историја

Реката првпат се споменува во II век како Sesmara. Во следниот период, на подрачјето се доселило монгубројно германско население. Крај реката се појавиле низа населени места како Сесомирс (664), Сесмарус (950), Сесмоа (1104) и Семоар (1244).

Реката го дала своето име и на позната сорта тутун кој се одгледува во тој крај.^[1]