Синти

Синти (исто така Синта или Синте) се ромски народ од Средна Европа .^[1] Биле традиционален народ кој често се селел, но денес само мал процент на Синтите живеат на таков начин. Во претходните времиња, тие често живееле во предградието на заедниците. Синтите од Средна Европа се тесно поврзани со групата позната како Мануче во Франција. Тие зборуваат на синтискоромски јазик различен од ромскиот јазик, под влијаније на германскиот јазик.

Синти и Роми, 1941 година

Име

Потеклото на името Синти е спорно.

Некои, вклучително и многумина Синти, веруваат дека потекнува од Синди, името на народот Синд (регион во Пакистан), засновано врз индикации дека ромските народи потекнувале во индискиот потконтинент.^[2] Покрај документираната лингвистичка поврзаност помеѓу ромскиот јазик и санскритскиот, неодамнешната студија на естонски и индиски истражувачи открила генетски сличности меѓу европските Роми и Индијците во нивниот примерок.^[3]

Други, вклучително и научникот Јарон Матрас, тврдат дека „Синти“ е подоцнежен термин само во употреба на Синтите од 18 век и веројатно е од европско потекло.^[4]