Слезовидни

Слезовидните (науч. Malvales) — ред на цветни растенија со 6.000 видови во 9 фамилии (APG II). Редот е сместен во класата еврозиди II од групата на евдикотите.

Слезовидни
Украсен слез (Alcea setosa)
Научна класификација
Царство:	Растенија
Нерангирано:	Скриеносеменици
Нерангирано:	Евдикоти
Нерангирано:	Розиди
Ред:	Слезовидни Dumort., 1829
Фамилии
во текстот.

Hibiscus moscheutos

Растенијата од овој ред се претежно мали грмушки и дрва; највеќето фамилии се одликуваат со космополитска распространетост во тропите и суптропите и ограничено присуство во умерените подрачја. Интересен случај е Мадагаскар, каде има три ендемски фамилии на слезовидни растенија (Sphaerosepalaceae, Sarcolaenaceae и Diegodendraceae).

Многу видови од редот се познати по дрвото што го даваат. Такви се балзата (Ochroma) која се цени бидејќи е лесна, и липата (Tilia), која е погодна за резбање. Какаовото дрво (Theobroma cacao) ја дава основната состојка во чоколадо. Оревите од растението кола (Cola) се значајни поради кофеинот што го содржат, и од кои во минатото се правеле пијалаците кола. Други попознати членови се маслиницата, хибискусот, украсниот слез, бамјата, баобабот, памукот и капокот.

Растенијата имаат разновидна морфологија и не делат многу заеднички особини. Најчесто се среќаваат дланковидните листови, споени чашки и извесна структура и хемиски состав на семето. Кората честопати е влакнеста, направена од слоеви мек флоем.

Фамилии (APG)

• Бикси (Bixaceae)
• Лавадани Cistaceae)
• Лушпосемени Cochlospermaceae)
• Прасци (Cytinaceae)^[1]
• Диегодендрони (Diegodendraceae)
• Двокрилноплодни (Dipterocarpaceae)
• Слезови (Malvaceae)
• Мунтигии (Muntingiaceae)
• Неуради (Neuradaceae)
• Сарколени (Sarcolaenaceae)
• Сферосепали (Sphaerosepalaceae)
• Маслиници (Thymelaeaceae)