Сома (река)

Сома (француски: Somme, пикардски: Sonme) — река во Пикардија, северна Франција.^[1] По неа е именуван департманот Сома.

Оваа статија се однесува на река. За истоимениот департман, погл. Сома (департман).

Сома
Местоположба
Физички особености
Устие	Ламанш 50°13′16″N 1°34′0″E
Должина	245
Особености на сливот

Изворот на Сома кај Фонсом.

Устието на Сома во Ламанш

Реката е долга 245 км од изворот кај Фонсом близу Сен Кантен, сè до Сомскиот Залив и протокот Ламанш. Лежи во геолошка синклинала која воедно ја образува и реката Солент. Ваквиот терен му дава на течението прилично постојан и благ наклон.

Историски настани

• Реката е веројатно најпозната по Битката на Сома во Првата светска војна (јули-ноември 1916).
• Сомскиот Залив бил зборно место за флотата на Вилијам Освојувачот во инвазијата на Англија во 1066 г.
• Реката ја преминала војската на Едвард III во 1346 во походот што кулминирал со Битката кај Креси.
• Англиската војска морала да ја премине реката во походот што завршил со Битката кај Азенкур.
• Во долините на Сома се одиграле големите битки што конечно ставиле крај на напредувањето на германската војска во Пролетната офанзива (1918).

Департмани и градови по течението

• Ена: Сен Кантен
• Сома : Ам, Перон, Корби, Амјен, Абвил, Сен Валери на Сома, Ле Кротоа

Поважни притоки

Десни Омињон Али Њевр Скардон

Леви Авр Сел Сен Ландон Ерен Амбоаз Анкр