Сонливци
From Wikipedia, the free encyclopedia
Remove ads
Сонливците или полвовите (научно: семејство Gliridae или Myoxidae) образуваат група на цицачи од редот на глодачите.
Remove ads
Морфолошки одлики
Сонливците се мали до средно големи глодачи кои наликуваат на глувци (копнените форми) или верверици (формите кои живеат на дрвја). Телесната должина е од 8 до 20 cm. Опашката обично е нешто пократка од телото (4–17 cm); кај повеќето сонливци таа густо обрасната со крзно, додека кај селевинијата (Selevinia betpakdalaensis) и глувчевидниот сонливец (Myomimus) таа е полугола. Очите и ушите се добро развиени, последните се округли, без четкичка на краевите. Нозете се релативно кратки. На предните нозе има 4 прсти, додека на задните 5. I палец од задните екстремитети понекогаш нема канџи, додека на останатите екстремитети канџите се добро развиени: тие се кратки, но многу остри. Влакната се густи и меки, но ниски. Обоеноста е монотона, од сива до окер-кафеава. Млечни жлезди од 4 до 6 пара. Заби 16 или 20.
Remove ads
Екологија
Повеќето сонливци се шумски животни, со ноќен начин на живот (исклучок се неколку жители на влажните тропски шуми). Претполагаат широколисни и мешани шуми. Се наоѓаат исто така и во шумостепата; на планините се наоѓаат до 3500 m надморска височина. Повеќето видови се типични лазачи по дрвја. Некои сонливци не се спуштаат на земја, а други водат главно копнен начин на живот. Засолништата на сонливците се претставени со дупки, гнезда во грмушките, под корењата на дрвјата или под паднати трупци од дрвја. Се исхрануваат со лешници, плодови и семиња, но јадат и инсекти, јајца и мали птици, а повремено и други глодачи. Селевинијата се исхранува главно со безрбет. Во умерената зона сонливците хибернираат во ладниот период, сон кој трае околу 6 месеци. Поради оваа особина го добиле своето име. Бременоста им трае 21-28 дена. Во природни услови тие живеат од 2 до 5,5 години.
Во некои предели сонливците можат да бидат штетници на земјоделските посеви. Кожите од големите сонливци се собираат како второстепени крзна.
Remove ads
Систематика
Поголемиот дел од сонливците го населуваат Палеарктикот, од Северна Африка, Европа и Мала Азија до Алтај, северозападна Кина и Јапонија. Во Европа достигнуваат до јужна Скандинавија. Видовите од родот Graphiurus изолирано се среќаваат во потсахарска Африка.
Семејството брои 28 видови, распоредени во 9 родови:
- Потсемејство Graphiurinae
- Африкански сонливци (Graphiurus)
- Graphiurus christyi
- Graphiurus crassicaudatus
- Graphiurus hueti
- Graphiurus kelleni
- Graphiurus lorraineus
- Graphiurus microtis
- Graphiurus monardi
- Graphiurus murinus
- Graphiurus ocularis
- Graphiurus olga
- Graphiurus parvus
- Graphiurus platyops
- Graphiurus rupicola
- Graphiurus surdus
- Африкански сонливци (Graphiurus)
- Потсемејство Leithiinae
- Шумски сонливци (Dryomys)
- Dryomys laniger
- Шумски сонливец Dryomys nitedula
- Dryomys sichuanensis
- Градинарски сонливци (Eliomys)
- Eliomys melanurus
- Градинарски сонливец Eliomys quercinus
- † Hypnomys
- Глувчевидни сонливци (Myomimus)
- Myomimus personatus
- Myomimus roachi
- Myomimus setzeri
- Селевинии (Selevinia)
- Селевинија (Selevinia betpakdalaensis)
- Шумски сонливци (Dryomys)
- Потсемејство Myoxinae
- Јапонски сонливци (Glirulus)
- Јапонски сонливец (Glirulus japonicus)
- Лешникови сонливци (Muscardinus)
- Лешников сонливец (Muscardinus avellanarius)
- Полски сонливци (Glis)
- Полски сонливец (Glis glis)
- Јапонски сонливци (Glirulus)
Фосилите на сонливци во Европа датираат од средината на еоцен. Во Африка се појавуваат од горниот миоцен, а уште подоцна - во Азија.
Надворешни врски
- BBC Wales Nature: Dormouse article
- Glirarium.org (англиски) (германски)
- Fauna of Europe: Glis glis Архивирано на 4 март 2016 г.
Wikiwand - on
Seamless Wikipedia browsing. On steroids.
Remove ads