Египетски јазик

Египетски јазик — античкиот староседелски јазик на Египет кој е дел од групата на афроазиски јазици. Првите запишани мисли и зборови на египетски јазик датираат уште од 3400 п.н.е.^[1] што го прави еден од најстарите познати запишани јазици.

Египетски јазик r n km.t
Зборуван во:	Стар Египет
Исчезнување:	се развил во демотски до 600 п.н.е., па потоа во коптички до 200 и престанал да се користи како секојдневен јазик во 17 век. Денес се користи како литургиски јазик од страна на Коптичката црква.
Јазично семејство:	афроазиски  Египетски јазик
Писмо:	хиероглифи, ракописни хиероглифи, хиаратско писмо, демотско и коптичко (подоцна се користела и арапска азбука за превод на владини документи)
Јазични кодови
ISO 639-1:	нема
ISO 639-2:	egy
ISO 639-3:	едно од следниве: egy — Египетски јазик cop — Коптички јазик
Елберс папирус.

Египетскиот јазик бил зборуван до 17 век во новоразвиената форма наречена коптички јазик. Денешниот национален јазик на Египет е египетски арапски јазик, кој постепено со текот на времето го заменил коптичкиот јазик во секојдневната употреба. Таа замена започнала со муслиманското освојување на Египет. Коптичкиот јазик и денес се користи, но како литургиски јазик во Коптичката црква. Овој јазик активно го зборува многу мал број на население, скоро сите зборуваат египетски арапски јазик.^[2]

Периодизација

Јазичарите и научниците го делат, или го подредуваат јазикот хронолошки на 6 различни периоди, и тоа:^[3]

• Архаичен египетски јазик (пред 2600 п.н.е., јазикот на раната династија),
• Стар египетски јазик (2600 п.н.е. – 2000 п.н.е., јазикот на Старото Кралство),
• Средноегипетски јазик (2000 п.н.е. – 1300 п.н.е., Средното кралство па сè до периофот на Амарна; продолжил како литературен јазик во 4 век),
• Доцноегипетски јазик (1300 п.н.е. – 700 п.н.е.),
• Демотски јазик (7 век п.н.е. – 5 век, Доцниот период па сè до Римското Царство)
• Коптски јазик (1 век – 17 век, рана Римско Царство до денес).

Поврзано

• Египетски хиероглифи
• Стара египетска литература
• Египетски броеви
• Демотски јазик
• Коптски јазик