Афроазиски јазици

Афроазиските јазици сочинуваат големо јазично семејство со околу 375 живи јазика^[2] со над 350 милиони говорници во Северна Африка, Источна Африка и Југозападна Азија. Најмногу зборуван афроазиски јазик е арапскиот јазик со околу 230 милиони говорници.^[3] Покрај денешните живи јазици, во групата на афроазиски јазици спаѓаат и некои мртви јазици како на пример египетскиот јазик, библискиот хебрејски јазик и акадскиот јазик.

Афроазиски јазици
Географска распространетост:	Северна Африка, Југозападна Азија, Западна Африка, Источна Африка
Класификација:	Едно од основните јазични семејства
Гранки:	семитски египетски берберски чадски кушитски омотски (понекогаш оспорено)[1]
ISO 639-2 и 639-5:	afa
[[File: |300px]]

Поимот „афроазиски“ бил создаден од Морис Делафос. Сепак овој поим не се користел многу, сè додека не бил прифатен од Џозеф Гринберг со што се заменил стариот назив хамитско-семитски јазици.

Јазици и распространетост

Шема на предлози за класификација на афроазиските јазици.

Афроазиските јазици, во најголем дел од лингвистичката литература, се составени од следните јазични подгрупи:

• берберски јазици
• чадски јазици
• кушитски јазици
• египетски јазик
• омотски јазици
• семитски јазици