Стоилко Урдаревски

Стоилко Велков Урдаревски ( 1918 во Чучер — 25 април 1945 во Банова Јаруга) — македонски партизан, борец за слобода на Македонија и учесник во НОВ.^[1][2]

Животопис

Спомен плоча на сите загинати борци во НОВ од селото Чучер-Сандево, меѓу кои и Стоилко Урдаревски

Потекнувал од сиромашно семејство. Завршил основно училиште во селото. Се занимавал со земјоделство и чување на овци и кози.^[1] На 21 септември 1944 година стапил во Шеснаесеттата македонска ударна бригада. Со неа учествувал во крвави борби против балистите. Бил учесник во дејствијата против Германците кај Качаничката Клисура, како ѝ во разоружувањето на балистичките банди на Косово. На 12 април 1945 година, тој учествувал во големата пролетна офанзива против Германците и во пробивот на Срем. Во натамошните борби против непријателот, во битката за ослободување на Банова Јаруга, храбро загинал на 25 април 1945 година. Бил закопан на местото каде што загинал.^[1][2]

Поврзано

• Александар Урдаревски
• Трипун Урдаревски
• Санде Урдаревски
• Живко Урдаревски
• Никола Урдаревски
• Стојан Урдаревски
• Неделко Урдаревски
• Благоја Урдаревски
• Љубе Урдаревски
• Младен Урдаревски
• Перо Урдаревски