Стрнарки

Стрнарки (научно име Emberizidae) — семејство птици од редот врапчевидни, широко распространета низ Стариот Свет. Претставниците се големи колку врапче.^[1][2] Според современата класификација, семејството вклучува 44 вида, кои се групирани во еден род, Emberiza.^[3]

Во основа, стрнарките се мали семејадни птици на отворени предели, следствено тие имаат пердуви во боја на земјата (претежно кафеави, сиви и црни нијанси) и силен, краток клун со остри рабови. Во периодот на парење и одгледување на потомството важен дел од исхраната претставуваат инсектите и мали безрбетници. Храната ја бараат на земја.^[2]

Во Европа живеат 12 вида стрнарки. Тие се:

• Селска стрнарка (Emberiza rustica)
• Црноглава шипка (Emberiza melanocephala)
• Блатна стрнарка (Emberiza schoeniclus)
• Жолтограда стрнарка (Emberiza aureola)
• Жолтогрла стрнарка (Emberiza citrinella)
• Белоглава стрнарка (Emberiza leucocephala)
• Мала стрнарка (Emebriza pusilla)
• Планинска стрнарка (Emberiza cia)
• Голема стрнарка (Emberiza calandra)
• Црногрла стрнарка (Emberiza cirlus)
• Градинарска стрнарка (Emberiza hortulana hortulana)
• Пепелава стрнарка (Emberiza hortulana caesia)