Сута Бутникошарева

Сута Николова Бутникошарева ( 1892 во Ново Село (Општина Чашка) — 1974 во Велес) — учесник во НОВ на Македонија.^[1]

Животопис

За време на окупацијата живеела во Велес. Нејзиниот дом и бавчата што се наоѓале на крајот од градот служеле за засолнување на илегалци, оружје и одржување илегални состаноци. Поголема активност пројавила во текот на 1941 и 1942 година до одењето на нејзината ќерка Нада во Велешкиот партизански одред. За време на тој период, нејзиниот дом бил најсигурен за одржување состаноци на партиската органнзација во градот и за престој на илегалци. Доаѓале курири и од единиците на НОВ кои Бутникошарева и нејзините двајца синови ги снабдувале со храна, облека и муниција.^[1]

Поврзано

• Благој Бутникошарев
• Нада Бутникошарева
• Јове Бутникошарев
• Илија Бутникошарев
• Кире Бутникошарев