Танах

Танах (хебрејски: תָּנָ״ךְ) — името на Еврејската библија, акроним за имињата на нејзините три дела. Изразот „Танах“ стапил во употреба во средновековието.^[1][2]

Збир од свитоци, опфаќајќи го целиот Танах

Текстовите на Танахот првпат биле напишани главно на еврејски, а некои делови на арамејски. Овие текстови вклучуваат:

• Тора (תּוֹרָה‎) — Закон;
• Невиим (נְבִיאִים‎) — Пророци;
• Кетувим (כְּתוּבִים‎) — Списи, писанија.

Содржината на Танахот се совпаѓа со Стариот завет на христијанската Библија, со исклучок на неканонски (или второканонски) книги, како и додатоци што не се наоѓаат во Танахот, и делумно, редоследот на книгите.^[3]

Содржина на Танахот

Танахот раскажува за создавањето на светот и човештвото, за Божјиот завет и заповеди и за историјата на еврејскиот народ од нивните почетоци до почетокот на периодот на Вториот храм. Еврејските верници ги сметаат овие книги за свети, дадени од Светиот Дух (Руах ха-Кодеш, רוּחַ הַקֹּדֶשׁ). Танахот и еврејските верувања, исто така, го обликувале развојот на христијанството и исламот.^[4]