Тина Тарнер

Ана Меј Булок, попозната по нејзиното сценско име Тина Тарнер (родена 26 ноември 1939 во Натбуш, Тенеси - 24 мај 2023 ) — американска пејачка, танчерка и изведувач. Нејзиниот успех, популарноста и придонесот во рок-музиката ѝ ја донеле титулата кралицата на рок & ролот.^[1][2][3][4] Таа е позната во светски рамки по своите енергични претставувања на сцената,^[2] моќниот глас и гласните концерти,^[5] како и по нејзините долги и пропорционални нозе кои се сметаат за најпознати во шоу-бизнисот.^[5][6] Тарнер се смета за една од најпопуларните светски изведувачи и за најуспешната рок-пејачка на сите времиња,^[7] со продажба на близу 200 милиони копии од нејзините албуми.^{[8][9][10][11][12]}

Тарнер во 1970 година

Животопис

Во 1986 година, Тарнер ја објавила својата автобиографија „Јас, Тина“, која постигнала голем тираж. Во неа, таа го опишала насилството што го трпела за време на бракот со Ајк Тарнер. Нејзиниот брак со Ајк бил опишан и во филмот „Каква врска има љубовта со тоа“ (англиски: What's Love Got to Do With It?) од 1993 година во која Тина Тарнер е една од авторите на сценариото.^[13]

Во 2013 година, Тина Тарнер се откажала од американското државјанство и зела швајцарско државјанство.^[14]

Музичка кариера

Концертна активност

Светската турнеја на Тарнер насловена како Break Every Rule Tour имаше најголем број на продадени билети и беше посетена од близу четири милиони обожаватели. Исто така, Тарнер ги надминала и Ролинг стоунс со својата турнеја во Европа во 1990 година, именувана како Foreign Affair Tour, изведувајќи пред четири милиони луѓе во само шест месеци. Нејзината турнеја од 1996 - Wildest Dreams Tour била посетена од 3,5 милиони обожаватели. Во 2000 година, таа ја остварила турнејата Twenty Four Seven Tour.

Во 2008, Тарнер се појавила за првпат по осум години со светската турнеја Tina: Live in Concert Tour.^[15][16] Оваа турнеја стана една од најмногу посетените во годината.

Дискографија

Главна статија: Дискографија на Тина Тарнер

• 1974: Tina Turns the Country On!
• 1975: Acid Queen
• 1978: Rough
• 1979: Love Explosion
• 1984: Private Dancer
• 1986: Break Every Rule
• 1989: Foreign Affair
• 1996: Wildest Dreams
• 1999: Twenty Four Seven

Турнеи

• 1978: Wild Lady of Rock Tour
• 1982: Nice 'n' Rough Tour
• 1985: Private Dancer Tour
• 1986: Break Every Rule Tour
• 1990: Foreign Affair Tour
• 1993: What's Love? Tour
• 1996: Wildest Dreams Tour
• 2000: Twenty Four Seven Tour
• 2008: Tina: Live in Concert Tour

Филмографија

• The Big T.N.T. Show (документарец, 1966)
• It's Your Thing (документарец, 1970)
• Gimme Shelter (документарец, 1970)
• Taking Off (1971)
• Soul to Soul (документарец, 1971)
• Cocksucker Blues (документарец, 1972) [необјавен]
• Tommy (1975)
• Sgt. Pepper's Lonely Hearts Club Band (1978)
• Mad Max Beyond Thunderdome (1985)
• What's Love Got to Do with It (1993) (пее и за Ангела Басет)
• Last Action Hero (1993)