Топола

Топола (науч. Populus) — род на листопадни дрва од семејство врби (Salicaceae). Содржат околу 30 вида високи листопадни дрвја од северната полутопка. Листовите се прости, на долга, сплескана дршка. Има дводомни со еднополни цветови, собрани во цветни реси. Плодовите се мали чушки со ситно семе, снабдено со бели влакна. Виреат во крајречната растителност.

Топола
Листови на јасика (Populus tremula)
Научна класификација
Царство:	Растенија
Нерангирано:	Скриеносеменици
Нерангирано:	Евдикоти
Нерангирано:	Розиди
Ред:	Малпигиовидни
Семејство:	Врби
Род:	Топола L.
Типски вид
Populus tremula (јасика)
Видови
во текстот

Во Македонија

Топола (сликана во Кратово)

Во Република Македонија природно се застапени:^[1]

• белата топола (Populus alba) со сивобела кора, со бели и влакнести леторасти и со листови со јајцевидна форма на кусорастите и со засечени лапи на долгорастите, сребренесто-бели од грбот;
• црната топола (Populus nigra), со ромбични или со триаголни, мазни листови и со испукана сиво-кафеава кора;
• сивата топола (Populus x canescens Sm.), природен хибрид меѓу белата топола и јасиката.
• јасика (Populus tremula)

Тополата како тема во уметноста

• „Јаблани“ (српски: Jablanovi) - песна на српскиот поет Јован Дучиќ.^[2]
• „Патниците и тополата“ — басна на старогрчкиот баснописец Езоп.^[3]
• „Топола“ — расказ за деца на македонскиот писател Неџати Зекерија.^[4]