Трајче Иваноски

Трајче Иваноски (р. Прилеп, 11 март 1945 - Прилеп, 19 декември 2021 ) - македонски театарски, филмски и телевизиски глумец. Од 1965 година сè до пензионирањето во 2007 година работел во Народниот театар „Војдан Чернодрински“ во Прилеп. Тој и по пензионирањето продолжува да биде активен во театарот. Покрај неговиот матичен театар тој гостувал и во други театри во Македонскиот народен театар, Драмски театар - Скопје и Народен театар Битола.

Трајче Иваноски
Роден(а)	11 март 1945 Прилеп, ДФ Македонија, ДФЈ
Починал(а)	19 декември 2021(2021-12-19) (возр. 76) Прилеп, Македонија
Националност	Македонец
Занимање	глумец
Активен период	1965 - 2021
Познат(а) по	по улогите во: Солунски патрдии Авантурите на Итар Пејо Втора смена Бог да ги убие шпионите Илинден Волшебното самарче Неверство во зимска ноќ
Сопружник	Лидија Иваноска

Филмографија

Иваноски има остварено бројни филмски улоги:^[1]

Година	Филм	Улога
1971	Македонскиот дел од пеколот ТВ-филм
1975	Волшебното самарче ТВ-серија
1977	Итар Пејо ТВ-серија
1979	Наши години ТВ-серија	Железничарот
1980	Оловна бригада ТВ-филм
1982	Едно лето ТВ-серија	Економот
1982	Илинден ТВ-серија
1982	Слана во цутот на бадемите ТВ-филм
1984	Белото Циганче ТВ-серија
1984	Јуначко колено ТВ-серија
1985	Трговецот од Солун ТВ-филм
1986	Солунски патрдии ТВ-серија	Аџи Јанкула
1988	Втора смена ТВ-серија
1989	Собирен центар ТВ-филм
1989-1991	Еурека ТВ-серија
1992	Чудовиштата во нашиот град ТВ-филм
1993	Бог да ги убие шпионите ТВ-филм	Затвореник
1994	Прекалени ТВ-серија	Дедото Марко
1995	Во светот на бајките ТВ-серија
2001	Прашина ТВ-филм	Овчар
2003	Лото, лото ТВ-серија
2004	Неверство во зимска ноќ ТВ-филм
2006	Тајната книга ТВ-филм	Прв гостин
2007-2009	Збогум Румелија ТВ-серија
2008	Куќен совет ТВ-серија
2010	Царската е последна ТВ-филм
2012-2014	Тврдокорни ТВ-серија	Мајстор Јонче
2013-2014	Авантурите на Итар Пејо ТВ-серија	Кметот
2014	Македонски народни приказни ТВ-серија
2015	Три во едно ТВ-филм
2015	Последниот Македонец ТВ-филм	Таткото

Награди

• Прва награда на театарскиот Фестивал „Војдан Чернодрински“ за млад глумец во улогата на Златан во претставата „Робот и Агата“.
• Награда за најдобра машка главна улога за ликот на Горчин во претставата „Скок преку кожа“ во режија на Бранко Гапо на Фестивал „Војдан Чернодрински“.
• Во 2003 година на меѓународниот Фестивал на комедија во Корча, Албанија, ја добил главната награда за најдобро глумечко остварување за улогата на професор Павлович во претставата „Собирен Центар“.
• Во 2011 година ја добиваа наградата за животно дело на фестивалот „Војдан Чернодрински“ - Прилеп.
• Добитник е и на наградата „3 Ноември“ што ја доделува Собранието на Општина Прилеп.
• Награда за главна машка улога за ликот Протасов во претставата „Деца на сонцето“ во режија на Илија Милчин.
• Во 2016 година повторно на Фестивалот „Корча“ добил награда за монодрамата „Јас Илија Шаторот“.