Тромбоцитопенија

Тромбоцитопенија е болест на крвните плочки (тромбоцитите), односно нивното намалување. Кога се намалени на помалку од 60 милиони на mm³ се појавува неконтролирано крварење низ телото што се појавува како подливи (црвени и модри точки и поголеми флеки под кожата), но многу често се јавува и крварење низ изметот, мокрачата или носот и многу тешко може да се сопре.

Тромбоцитопенија
Специјалност	Хематологија

Петехија на долниот дел од ногата од тромбоцитопенија

Типичен симптом за тромбоцитопенијата е кога некоја личност ќе се пресече или издраска а крвта не сака да запре, и раната стои за долго време.

Причина

Тромбоцитопенијата може да биде наследена или стекната.^[1]

Намалено создавање

Абнормално ниска продукција на тромбоцити може да биде предизвикана од:^[2]

• Дехидратација, Дефициенција на витамин B₁₂ или фолна киселина
• Леукемија или миелодиспластичен синдром или апластична анемија
• Намалено создавање на тромбопоетин од страна на црниот дроб при црнодробна слабост
• Сепса, системска вирусна или бактериска инфекција
• Лептоспироза
• Наследни синдроми

Зголемена разградба

TTP

Зголемена разградба на тромбоцити може да настане при разни имунолошки и неимунолошки состојби, вклучувајќи:^[3]

• Имуна тромбоцитопенична пурпура
• Тромботична тромбоцитопенична пурпура
• Хемолитично-уремичен синдром
• Дисеминирана интраваскуларна коагулација
• Пароксизмална ноќна хемоглобинурија
• Антифосфолипиден синдром
• Системски лупус еритематозус
• Пост-трансфузиона пурпура
• Неонатална алоимуна тромбоцитопенија
• Хиперспленизам
• Денга треска
• Гошеова болест
• Зика вирус

Лек-индуцирана

Следниве лекови може да индуцираат тромбоцитопенија преку директна миелосупресија.^[4]

• Валпроична киселина
• Метотрексат
• Карбоплатин
• Интерферон
• Изотретиноин
• Панабиностат
• H₂ блокатори и инхибитори на протонската пумпа

Други причинители

• Каснување од змија^[5]
• Токсичност на ниацин^[6]
• Лајмска болест^[7]
• Тромбоцитафереза