Турија

Турија — село во Општина Делчево, во областа Пијанец, во околината на градот Делчево.

За други значења на поимот видете на појаснителната страница

Турија
Панорама на Турија
Турија Местоположба на Турија во Македонија Турија на карта
Координати 41°57′07″N 22°38′57″E
Регион	Источен
Општина	Делчево
Област	Пијанец
Население	46 жит. (поп. 2021)[1]
Пошт. бр.	2320
Повик. бр.	033
Шифра на КО	09027
Надм. вис.	620-800 м
Турија на општинската карта Атарот на Турија во рамките на општината
Турија на Ризницата

Географија и местоположба

Турија се наоѓа на северозападните падини на планината Голак, од лвата страна на реката Брегалница. Сместено е во западниот дел на територијата на Општина Делчево и неговиот атар се граничи со Општина Виница. Селото е ридско и од разбиен тип, а неговите маала се наоѓаат на надморска височина од 620-800 м. Атарот на селото зафаќа мала површина од 4,9 км². Од Делчево е оддалечено 19 км.^[2]

Историја

Во почетокот на XX век, Турија било село во Кочанската каза на Отоманското Царство.

Само 1 жител на оваа населба е заведен како жртва во Втората светска војна.^[3]

Стопанство

Селото има полјоделско-шумарска функција. Во селскиот атар преовладуваат шумите на површина од 332 ха, додека на обработливо земјиште отпаѓаат 103 ха.^[2]

Население

Население во минатото

Година Нас. ±% 1948 172 —     1953 196 +14.0% 1961 182 −7.1% 1971 171 −6.0% 1981 153 −10.5%	Година Нас. ±% 1991 134 −12.4% 1994 127 −5.2% 2002 102 −19.7% 2021 46 −54.9%

По податоците на секретарот на Бугарската егзархија Димитар Мишев („La Macédoine et sa Population Chrétienne“), во 1905 година во Турија имало 112 жители Македонци.^[4]

Според германска карта издадена во 1941 година, а заснована на пописот на Кралството Југославија од 1931 година, селото имало 150 Македонци.^[5]

Според пописот од 2002 година, во селото Турија живееле 102 жители, сите Македонци.^[6]

Според последниот попис од 2021 година, во селото живееле 46 жители, од кои 41 Македонец, 1 останат и 4 лица без податоци.^[7]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	112	—	172	196	182	171	153	134	127	102	46

Извор за 1900 г.: Македонија. Етнографија и статистика.^[8]; за 1905 г.: La Macédoine et sa Population Chrétienne.^[9]; за 1948-2002 г.: Државен завод за статистика на РМ.^[10]; за 2021 г.: Државен завод за статистика на РМ.^[11]

Родови

Според истражувањата на Бранислав Русиќ во 1953 година, родови во селото:

Македонски

• Староседелци: Рударци (7 к.), Никовци (3 к.), Цековци (4 к.), Костовци (2 к.), Долномалци (4 к.), Војинове (2 к.) и Црнговци (6 к.).^[12]

Самоуправа и политика

Селото влегува во составот на Општина Делчево од 1952 година.

Во периодот 1950-1952, селото било дел од тогашната општина Бигла во склоп на Делчевската околија.

Избирачко место

Во селото постои избирачко место бр. 0603 според Државната изборна комисија, кое е сместено во старото основно училиште.^[13]

На локалните избори во 2017 година, на ова избирачко место биле запишани вкупно 72 гласачи.^[14]

На претседателските избори во 2019 година, на ова избирачко место биле запишани вкупно 70 гласачи.^[15]

Културни знаменитости

Археолошки наоѓалишта

• Ширините — населба од доцноантичко време^[16]