ФК Ренова

ФК Ренова — фудбалски клуб од Џепчиште, Тетовско, Македонија, кој моментално игра во Првата македонска фудбалска лига. Своите натпревари ги игра на Градскиот стадион во Тетово.

ФК Ренова KF Renova
Целосно име	Фудбалски Клуб Ренова
Прекар(и)	Гипсари
Основан	2003; пред 22 години (2003)
Стадион	Градски стадион Тетово
Капацитет	15.000
Тренер	Јетон Беќири
Лига	Прва македонска лига
2021/22	5. од 10 места
Домашен дрес Гостински дрес

Историја

ФК Ренова е основан во 2003 година, но потекнува од фудбалската школа која е формирана во 2000 година под името Шкумбини. Екипата на Шкумбини се преименува во ФК Ренова и екипата во натпреварувачката сезона 2003/04 се натпреварува со новото име. ФК Ренова станува организирана екипа и како резултат на ова го освојува првото место во третата лига. За да се пласира во втората лига, Ренова игра бараж натпревар против Вардар од Неготино, во кој победува после изведувањето пенали. Во натпреварувачката сезона 2004/05, Ренова продолжува во втората лига, а влегува во првата по пласманот на второто место. Во сезоната 2009/10 Ренова го постигнала својот најголем успех во историјата на клубот, освојувајќи ја Македонската фудбалска лига. Во сезоната 2011/12 Ренова го освоила Македонскиот Куп победувајќи го Работнички во финалето со 3-1.

Поврзано

• Фудбалска федерација на Македонија

Надворешни врски

• Официјално мрежно место на Фудбалската федерација на Македонија