Фенилпропаноид

Фенилпропаноидите се класа на разновидни органски соединенија кои се синтетизираат од растенијата од аминокиселините фенилаланин и тирозин.^[1] Нивното име доаѓа од шесточлената јаглеродна ароматична фенил група и тричлената пропенска група на кумаринската киселина, која е главен интермедиер во фенилпропаноидната биосинтеза. Од 4-кумароил-CoA се добиваат разни класи на природни производи како лигноли (претходници на лигнин и лигноцелулоза), флавоноиди, изофлавоноиди, кумарини, аурони, стилбени, катехин, и фенилпропаноиди.^[2]

4-Кумароил-CoA е централен претходник во биосинтезата на фенилпропаноидите (прикажан во протонирана состојба).

Фенилпропаноидите се присутни низ целото растително царство, каде служат како неопходни компоненти на голем број на структурни полимери, обезбедуваат заштита од ултравиолетова светлина, пружат заштита од тревојади и патогени, и посредуваат во интеракциите растение-полинатор како цветни пигменти и миризливи соединенија.