Флотила

Флотила (буквално: „мала флота“) — формација, оперативно здружување или оперативно-тактичка единица во Воената морнарица (поморските сили) на одредени држави.^[1] Во македонските речници поимот може да значи и „мал одред од бродови со специјална задача“ и „мала група авиони“.^[2]

Шпанска флотила во судир со Кралската воена морнарица во дејствието на 5 октомври 1804 г.

Видови

Се разликуваат:

• морски флотили
• речни флотили
• езерски флотили

Втора светска војна

За време на Втората светска војна, морските флотили биле како самостојни формации (на пример, Касписката воена флотила), така и дел од поголеми флоти (на пример, Беломорската воена флотила).

Тие се состоеле од неколку соединувања и единици на едни и исти или различни површински бродови (бригада за деминирање, дивизија на разурнувачи и патролни бродови, дивизија на торпедни чамци, дивизија на миночистачи), подморници, авијација, единици на морнаричката пешадија и крајбрежна артилерија, како и разни служби што го обезбедувале нивното дејство.

Флотите биле наменети за извршување задачи на еден од оперативните правци, како самостојно, така и во заемодејство со формации на Воената морнарица и други видови Вооружените сили.

Речните и езерските флотили ги помагале Копнените сили при водењето борбени дејствија во речните басени и езерските области, уништување на непријателски бродови, обезбедување воени превози и извршување други задачи.

Во составот на речните и езерските флотили влегувале соединувања на речни бродови од различни класи, единици на авијација, артилерија и морнаричка пешадија, како и служби за обезбедување и одржување.