Фотодиода

Фотодиода — полуспроводнички елемент со еден PN спој и два извода чија електрична проводност се менува со промена на светлосниот флукс кој паѓа на површината на спојот.^[1] Заради оваа особина наоѓа примена како електронски сетилник (сензор). Битна особина на фотодиодата е дека врши само (исклучително брза) детекција, а не врши улога на засилувач, за разлика од фототранзисторот. Исклучок се лавинските фотодиоди. Фотодиодата се прави од полуспроводен материјал како и обичната диода.

Фотодиода
Три силициумови и една германиумова диода
Тип	пасивен
Принцип на работа	ја претвора светлината во електрична струја
Распоред на контактите	анода и катода
Ел. симбол

Фотодиода (зголемена)

Примена

Заради брзата реакција на светлосното ниво, фотодиодите се применуваат во оптоелектрониката каде брзината на работа е најважна. На пример употребата на оптички изолациски парови (оптокаплери), сензори на позицијата (енкодери), многу брза комуникација преку оптички кабел и други.

Материјал

Од материјалот зависи осетливоста во определен дел од електромагнетниот спектар.

Материјал	Бранова должина (nm)
Силициум	190—1100
Германиум	400—1700
Индиум-галиум-арсенид	800—2600
Оловен сулфид	< 1000—3500

Симбол

Симболот на фотодиодата е прикажан на сликата.

Симбол за фотодиода

Предности и мани

Предност се ниската цена и многу брзата работа (во однос на фотоотпорникот и фототранзисторот). Мана е немањето засилување (освен кај лавинската фотодиода).