Фрајштат

Фрајштат (германски: Freistadt, чешки: Cáhlov) — гратче во областа Милфиртел, Горна Австрија, стопанско и управно седиште на истоимениот округ Фрајштат. Населението брои 7909 жители (1 јануари 2018). Најблиски поголеми градови се Линц (седиште на Горна Австрија) на 40 км јужно и Ческе Будјејовице (седиште на Јужночешкиот крај), на 60 км на север.

За други значења на поимот, погл. Фрајштат (појаснување).

Фрајштат Freistadt
Поглед на градот
Грб
Местоположба во округот Фрајштат
Земја	Австрија
Покраина	Горна Австрија
Округ	Фрајштат
Управа
• Градоначалник	Елизабет Парута-Тојфер (ÖVP)
Површина
• Вкупна	12,88 км2 (497 ми2)
Надм. вис.	&10000000000000560000000560 м
Население (1.1.2018)
• Вкупно	7.909
• Густина	6,1/км2 (16/ми2)
Час. појас	CET (UTC+1)
• Лето (ЛСВ)	CEST (UTC+2)
Пошт. бр.	4240
Повик. бр.	07942
Рег. таб.	FR
Мреж. место	freistadt.at

Историја

Подрачјето на Фрајштат потпаднало под владение на Војводството Баварија во VII век.

Фрајштат е основан пред 1220 г. Познато е дека во 1225 г. низ ова место поминал војводата Леополд VI. Како населено место за првпат се спомнува во документ во 1241 г. како „Фринштат“ (Frienstat), а потоа во документ на кралот Рудолф I Хабсбуршки во 1277 г. како „Фрајнштат“ (Vreinstat). Гратчето се наоѓало на границата помеѓу хабсбуршките и чешките земји и крстосница на патиштата по кои се одвивала трговијата со сол и железо, од праисторијата до средновековието. Ѕидините на стариот град заедно со кулите и портите постојат и денес, а изградени се помеѓу 1363 и 1393 г.

Гратчето настрадало во француските походи во 1805 и 1809 г. за време на Наполеоновите војни. Во 1918 г. влегло во состав на сојузната покраина Горна Австрија. Со присоединувањето на Австрија кон Германија во 1938 г., месноста му припаднала на Горнодунавскиот крај (гау), каде останала сè до 1945 г. кога е вратена во Горна Австрија.

Составни населени места

Како општина, Фрајштат ги опфаќа следниве населени места, наведени со нивните населенија (на 1 јануари 2018^[1]):

• Галгенау (Galgenau, 5 жит.)
• Санкт Петер (Sankt Peter, 278 жит.)
• Трелсберг (Trölsberg, 229 жит.)
• Фрајштат (Freistadt, 7397 жит.)

Знаменитости

Главниот влез во стариот град е низ Линчката порта (Linzer Tor). Околу пространиот главен плоштад се стари домови на некогашните градски големци. На највисоката точка се издига црквата „Св. Катерина“, изградена во XIV - XV век во готски стил. Во 1690 г. е преработена во барокен стил, каква што останала до 1967 г. кога ѝ е повратен првобитниот изглед. Во североисточниот агол на плоштадот стои порта која води до Фрајштатскиот замок (XIV в.). Главната кула на замокот е висока 50 м и во неа денес е сместен Милфиртскиот дворски музеј (Mühlviertler Schlossmuseum) кој е од месно значење, познат по големата збирка на стакло со златорез и икони. Од другата страна на Чешката порта (Böhmertor) се наоѓа малата Богородична црква (Liebfrauenkirche, XV в.) со забележителни издолжени прозорци наречени „столбови од светлина“, изработени во 1484 г.

Галерија

• 
  Линчката порта
• 
  Чешката порта однатре
• 
  Главната кула на замокот
• 
  Деканска порта
• 
  Црквата „Св. Катерина“
• 
  Прозорци на Богородичната црква
• 
  Икони во музејот
• 
  Стара градска куќа кај главниот плоштад
• 
  Карта на подрачјето
• 
  Градобранителска униформа и знаме