Церје (Говрлево)

Церје — археолошко наоѓалиште кај скопското село Говрлево. Претставува населба од неолитското време и се наоѓа на 2 км југоисточно од селото, помеѓу Чифличка Река од исток и Церешка Река од запад.^[1]

„Церје“
Местоположба	41°55′57″N 21°21′44″E
Основни податоци
Место	Говрлево
Општина	Сопиште
Тип	населба
Период	неолитско време
Портал „Археологија“

Фигурината Адам од Македонија.

Населбата е случајно откриена во 1981 г. а од 1982 г. започнале систематски ископувања. Во длабокиот културен слој е пронајдена повеќеслојна населба со шест хоризонти на живеење. Најстариот хоризонт (I) е од времето на раниот неолит, напореден на праисториската култура Анзабегово-Вршник I, хоризонтите II-IV се од средниот неолит, напоредни на Анзабегово-Вршник II-IV, а последните два хоризонти се од доцниот неолит, идентични на културата Зелениково II.^[1]

Откриени се три куќи за живеење, од дрво и кал, со димензии од 4,5 × 4,5 м, поделени на две простории.

Позначајни наоди

Адам од Македонија

Главна статија: Адам од Македонија

Во 2000 г. во Церје ова место археологот Милош Билбија пронашол исклучително реалистична фигурина на машко торзо големо културно значење, која ја нарекол „Адам од Македонија“ (позната и како Адам од Говрлево), и за која се смета дека датира од VI милениум п.н.е. Денес артефактот се чува во Музејот на Град Скопје.

Древно писмо

На наоѓалиштето е се откриени и артефакти со знаци налик на глаголицата, но кои сѐ уште не се дешифрирани.^[2] Некои овие знаци ги сметаат за едно од најстарите писма на светот.

Поврзано

• Археолошки наоѓалишта во Говрлево

Препорачана литература

• Фиданоски, Љубо (2012). Церје - Говрлево и Милош Билбија. Скопје: Музеј на Град Скопје. ISBN 978-608-233-018-1.