Црква „Воведение на Пресвета Богородица“ - Буринец

Воведение на Пресвета Богородица — црква во селото Буринец.^[1] Сместена е во крајниот јужен дел од селото.

Воведение на Пресвета Богородица
Поглед на црквата
македонска православна црква
Епархија	Дебарско-кичевска
Архијерејско намесништво	Струшко
Парохија	Втора струшка
Местоположба
Координати	41°23′38.7″N 20°37′05.6″E
Место	Буринец
Општина	Струга
Држава	Македонија
Општи податоци
Покровител	Богородица Марија
Завршено	XIX век
Зограф	Никола Аврамов Константин Николов
Архитектонски опис

Историја

Црквата била изградена во XIX век. Во февруари 2011 година, црквата била ограбена и од неа биле изнесени икони.^[2]

Архитектура

Градбата на црквата има правоаголна основа со полукружна апсида на источната страна. На јужната страна е доградена припрата која е во целост затворена. Главната влезна врата на црквата е сместена од западната страна, а до внатрешноста на црквата води и споредна врата преку припратата од јужната страна. Над споредната врата има ниша со фреска на која е насликана Богородица Марија со Исус Христос. На ѕидовите од црквата и припратата има повеќе прозорци. Објектот е изграден од варовник и е покриен со кров од ќерамиди, додека припратата е варосана во бела боја и е покриена со лимен кров. Со лимен кров е покриена и апсидата.

Дворот на црквата е ограден со камена ограда, а во него е сместена камбанаријата. Таа има квадратна основа и се состои од два дела, од кои првиот е изграден од камен, а вториот од лим и содржи по два отвори на секоја страна. Камбанаријата е покриена со кров од ќерамиди.

Иконостас

Иконостасот во црквата е дело на Никола Аврамов и Константин Николов, кои биле ученици на Аврам Дичов.^[3]

Галерија

• 
  Црквата со камбанаријата
• 
  Предната страна од црквата
• 
  Задната страна со апсидата
• 
  Споредниот влез на црквата
• 
  Камбанаријата на црквата

Поврзано

• Буринец
• Дебарско-кичевска епархија
• Струшко архијерејско намесништво
• Втора струшка парохија