Црква „Вознесение Христово“ - Ново Село (Штип)

Вознесение Христово (или Св. Спас) — средновековна православна црква во штипската приградска населба Ново Село. Му припаѓа на Штипското архијерејско намесништво во Брегалничката епархија на МПЦ - ОА. Прогласена е за културно наследство на Македонија.^[1][2]

Вознесение Христово
македонска православна црква
Епархија	Брегалничка
Архијерејско намесништво	Штипско
Парохија	Новоселска
Местоположба
Координати	41°44′5″N 22°11′5″E
Место	Ново Село
Општина	Штип
Држава	Македонија
Општи податоци
Покровител	Исус Христос
Завршено	1369
Архитектонски опис
Архит. тип	еднокорабен

Црквата се наоѓа на левата страна на реката Отиња, во источниот дел на Ново Село, на 1 км од средиштето на Штип кој се наоѓа на исток.

Особености

Претставува еднокорабен храм за кој се смета дека е подигнат од војводата Димитрија во 1369 година. Првобитниот живопис на црквата не е зачуван. Според грчкиот натпис, таа одново е насликана во 1601 г. од зографот Јован^[3] во стил на Линотопската школа.^[4] Ова второ живописување траело од 13 мај до 6 јули 1601 г., а во ктиторскиот натпис се споменати епископот Руфим, свештеникот Дојко и ктиторот Павле Мутавџија.^[5][6]

Галерија

• 
  Црквата гледана од северозапад
• 
  Црквата гледана од југ (во позадина Штип)
• 
  Апсидата во 2021 година
• 
  Апсидата во 2022 година
• 
  Јужниот ѕид и апсидата

Поврзано

• Брегалничка епархија
• Штипско архијерејско намесништво